പ്രളയത്തില്‍ വീടും സ്ഥലവും നഷ്ടപ്പെട്ട അട്ടപ്പാടിയിലെ 22 കുടുംബങ്ങളുടെ പുനരധിവാസം വൈകുന്നു. മിനി സിവില്‍ സ്‌റ്റേഷന്‍ പരിസരത്ത് പാല് കാച്ചി പ്രതിഷേധിച്ച് കുടുംബങ്ങള്‍.

2019 ലെ പ്രളയത്തില്‍ വീടും സ്ഥലവും നഷ്ടപ്പെട്ട അട്ടപ്പാടിയിലെ 22 കുടുംബങ്ങള്‍ക്ക് വാസയോഗ്യമായ സ്ഥലം പകരം കണ്ടെത്തി വീട് വെക്കുന്നതിനാവശ്യമായ തുക അനുവദിച്ചെങ്കിലും ലഭ്യമാകാത്തതില്‍ പ്രതിഷേധിച്ച് അഗളി മിനി സിവില്‍ സ്‌റ്റേഷനിലേക്ക് താമസം മാറ്റുകയാണെന്ന് പ്രതിഷേധക്കാരായ കുടുംബങ്ങള്‍. മിനി സിവില്‍ സ്‌റ്റേഷന്‍ പരിസരത്ത് പാല് കാച്ചി പ്രതിഷേധിച്ചു. 4 ആദിവാസി കുടുംബങ്ങള്‍ ഉള്‍പ്പെടെ കുറവന്‍പാടി, നക്കുപ്പതി, ഇന്ദിരാ കോളനി എന്നിവിടങ്ങളിലെ ജനങ്ങളാണ് സമരവുമായെത്തിയത്. പ്രളയത്തില്‍ വീടും സ്ഥലവും നഷ്ടപ്പെട്ട കുടുംബങ്ങളോട് നാലു സെന്‍്‌റിന്‍ കുറയാത്ത താമസയോഗ്യമായ സ്ഥലം കണ്ടെത്തുവാന്‍ മുമ്പുണ്ടായിരുന്ന തഹസില്‍ദാര്‍ നിര്‍ദ്ദേശം നല്‍കിയിരുന്നു. ഇതിന്റെയടിസ്ഥാനത്തില്‍ നെല്ലിപ്പതിയിലും നായ്ക്കര്‍പാടിയിലും കണ്ടെത്തിയ ഭൂമികള്‍ കൈമാറ്റത്തിന് നിയമകുരുക്കുള്ളതിനാല്‍ അവ വാങ്ങുവാനായില്ല. ശേഷം ഭൂതിവഴിയില്‍ കണ്ടെത്തിയ 1.98 ഏക്കര്‍ സബ് കളക്ടര്‍ ഉള്‍പ്പെടെ സന്ദര്‍ശിച്ച് വാസയോഗ്യമാണെന്ന കണ്ടെത്തി അര്‍ഹര്‍ക്ക് നല്‍കാന്‍ ഉത്തരവിറക്കി. എന്നാല്‍ ഈ ഉത്തരവ് നടപ്പിലാക്കാന്‍ ഇപ്പോഴത്തെ തഹസില്‍ദാര്‍ തയ്യാറാകുന്നില്ലെന്ന് സമരക്കാര്‍ ആരോപിക്കുന്നു. ഭൂമാഫിയകള്‍ നിര്‍ദ്ദേശിക്കുന്ന സ്ഥലം നിര്‍ബന്ധപൂര്‍വ്വം വാങ്ങിപ്പിക്കുവാനുള്ള ശ്രമമാണ് നടത്തുന്നതെന്നും ആരോപിക്കുന്നു. എന്നാല്‍ നിലവില്‍ അനുവദിച്ചിരിക്കുന്ന ഭൂമിയുടെ ഇടപാടില്‍ അഴിമതിയുണ്ടെന്ന് വിജിലന്‍സിനും കളക്ടര്‍ക്കും ലഭിച്ച പരാതിയുടെ അടിസ്ഥാനത്തിലാണ് സ്ഥലം ഏറ്റെടുക്കുന്നതിന് തടസ്സം ഉന്നയിക്കുന്നതെന്നാണ് അധികാരികള്‍ പറയുന്നത്. നിലവില്‍ ഇവര്‍ താമസിക്കുന്ന സ്ഥലം വാസയോഗ്യമല്ലെന്ന് ജിയോളജി വകുപ്പ് വ്യക്തമാക്കിയിട്ടുണ്ട്. വര്‍ഷക്കാല വരവോടെ ഇവരുടെ ജീവിതം അപകടത്തിലാകും. രാഷ്ട്രീയ നേതാക്കളും സമരനേതാക്കളുമായി മണ്ണാര്‍ക്കാട് തഹസില്‍ദാര്‍ (ഭൂരേഖ) എ. എന്‍. മുഹമ്മദ് റാഫി, അട്ടപ്പാടി തഹസില്‍ദാര്‍ വേണുഗോപാല്‍, മണ്ണാര്‍ക്കാട് ഡെപ്യൂട്ടി തഹസില്‍ദാര്‍ (ദുരന്ത നിവാരണം) രാമന്‍കുട്ടി, അഗളി ഇന്‍സ്‌പെക്ടര്‍ മഞ്ചിത് ലാല്‍ എന്നിവരുടെ സാന്നിധ്യത്തില്‍ നടത്തിയ ചര്‍ച്ച പരാജയപ്പെട്ടതിനെ തുടര്‍ന്ന് സമരക്കാര്‍ സമരം തുടര്‍ന്നു. അഗളി എ.എസ്.പി. പദം സിംഗ് ഐ.പി.എസിന്‍്‌റെ നേതൃത്വത്തില്‍ സമരക്കാരെ പുറത്താക്കി സിവില്‍ സ്‌റ്റേഷന്‍ അടച്ചു. തുടര്‍ന്ന് ജില്ലാ കളക്ടര്‍ സമരസമിതി നേതാക്കളേയും പഞ്ചായത്ത് പ്രതിനിധികളേയും ചര്‍ച്ചക്ക് ക്ഷണിച്ചു. ഇതിന്റെ അടിസ്ഥാനത്തില്‍ സമരം അവസാനിപ്പിച്ചു. രണ്ട് ദിവസത്തിനുള്ളില്‍ അനുകൂല തീരുമാനം ഉണ്ടായില്ലെങ്കില്‍ വീണ്ടും സമരം നടത്തുമെന്ന് സമരനേതാക്കള്‍ അറിയിച്ചു.

News

സ്ഥാനാർഥിയുടെ വ്യക്തിപ്രഭാവം : കോങ്ങാട് നിയോജക മണ്ഡലത്തിൽ 100% വിജയം ഉറപ്പിച്ച് യുഡിഎഫ്.

നിയമസഭാ തിരഞ്ഞെടുപ്പിൽ കോങ്ങാട് നിയോജക മണ്ഡലത്തിൽ 100% വിജയം ഉറപ്പിച്ച് ഐക്യജനാധിപത്യമുന്നണി. മണ്ഡലത്തിൽ സ്ഥാനാർഥി യു.സി.രാമൻ വിജയിക്കുമെന്ന് യുഡിഎഫ് തെരഞ്ഞെടുപ്പ് കമ്മിറ്റി ജനറൽ കൺവീനർ കെ.പി.മൊയ്തു പറഞ്ഞു. രൂപീകരണം മുതൽ രണ്ടു നിയമസഭാ തെരഞ്ഞെടുപ്പിനെ നേരിട്ട മണ്ഡലത്തിൽ 13000 വരെയാണ് എൽഡിഎഫന് ഭൂരിപക്ഷം ഉണ്ടായിരുന്നത്. എന്നാൽ കഴിഞ്ഞ പാർലമെന്റ് തിരഞ്ഞെടുപ്പിൽ 335 വോട്ടിന്റെ ഭൂരിപക്ഷം മാത്രമാണുള്ളത്. ഇതുകൊണ്ടുതന്നെ അനായാസ വിജയം ഉറപ്പാണ്. നിരവധി അപാകതകളിലൂടെ തെരഞ്ഞെടുപ്പിനെ നേരിട്ട എൽഡിഎഫിന്റെ നിലവിലെ സാഹചര്യവും ഇതിന് തുണയാകും. യുഡിഎഫ് പ്രവർത്തകരെക്കാൾ ആത്മവിശ്വാസമാണ് സ്ഥാനാർഥി യു.സി.രാമന് ഉള്ളത്. ഇദ്ദേഹം വ്യക്തിഗത വോട്ടുകൾ കൂടുതൽ നേടും. ഇതിൽ എൽഡിഎഫിന് ലഭിക്കേണ്ട വോട്ടുകളും ഉൾപ്പെടും. ലോകസഭാ തെരഞ്ഞെടുപ്പിൽ വി.കെ.ശ്രീകണ്ഠന്റെ വിജയത്തിന് സമാനമായ ജനവിധിയാണ് കോങ്ങാടിൽ യുഡിഎഫ് നേടുക. ഇടതുപക്ഷത്തിൽ കമ്മ്യൂണിസ്റ്റ് പാർട്ടിയിൽ തന്നെ അസംതൃപ്തരായ പ്രവർത്തകരും വോട്ടർമാരുണ്ട്. ഈ ഘടകങ്ങളെല്ലാം യുഡിഎഫിന്റെ വിജയത്തിന് അനുകൂലമാകും. അസ്വാരസ്യങ്ങൾ എല്ലാം ആദ്യമേ പരിഹരിച്ചാണ് തെരഞ്ഞെടുപ്പ് പ്രചരണത്തിൽ ഇറങ്ങിയത്. ഇത് ലീഗ് ആവശ്യപ്പെട്ട് സീറ്റ് അല്ല. മറിച്ച് മുന്നണി നേതൃത്വം തീരുമാനിച്ചതാണ്. കെ.വി വിജയദാസിനോടുള്ള സഹതാപ തരംഗം ബാധിച്ചിട്ടില്ല. മറിച്ച് സ്ഥാനാർഥിയുടെ വ്യക്തിപ്രഭാവം തന്നെ വിജയം നേടി തരുമെന്നും കെ.പി.മൊയ്തു പറഞ്ഞു.

അപകടക്കെണിയായി കലുങ്ക്. മീൻവല്ലം ജല വൈദ്യുത പദ്ധതിയിലേക്കുള്ള പ്രധാന പാതയിലൂടെയുള്ള ഗതാഗതം ദുഷ്‌കരം.

ദേശീയ പാതയിൽ തുപ്പനാട് മുതൽ മീൻവല്ലം വരെയുളള റോഡ് ആറു മാസമായിട്ടും പണിപൂർത്തിയാകാതെ കിടക്കുന്നത് പ്രദേശവാസികളെ ദുരിതത്തിലാക്കുന്നു. 2020 നവംബറിലാണ് റോഡ് പുനരുദ്ധാരണം തുടങ്ങിയത്. റോഡ് പണിയുമായി ബന്ധപ്പെട്ട് ഡ്രൈനേജിന്റെ പണിയും വാട്ടർ അതോറിറ്റിട്ടിയുടെ മേൽനോട്ടത്തിൽ പൈപ്പിടൽ പണിയും നടന്നു വന്നിരുന്നു. എന്നാൽ ഒരു മാസമായി ഇതും നിലച്ചിരിക്കുകയാണ്. നിർമാണ പ്രവൃത്തികൾ പാതിവഴിക്ക് നിർത്തിപോയതിനാൽ തുപ്പനാട് നിന്നും മീൻ വല്ലത്തേക്കുള്ള പ്രവേശനവും സാധ്യമല്ല. നിർമാണ ജോലികൾ എത്രയും പെട്ടെന്ന് പുനരാരംഭിച്ച് ജനങ്ങൾക്ക് യാത്ര സൗകര്യം ഏർപ്പെടുത്തണമെന്ന് കാണിച്ച് ഐ എൻ എൽ കോങ്ങാട് മണ്ഡലം പ്രസിഡന്റ് മുഹമ്മദ്‌ ഇസ്മായിൽ പൊതുമരാമത്ത് വകുപ്പ് മന്ത്രിക്കും ബന്ധപ്പെട്ട അധികാരികൾക്കും പരാതി അയച്ചിരിക്കുകയാണ്.

പുനർ നിർമാണം നടത്തിയ പുറ്റാനിക്കാട് ജുമാഅത്ത് പള്ളി വിശ്വാസികൾക്കായി തുറന്നു നൽകി.

പുറ്റാനിക്കാട് ജുമാഅത്ത് പള്ളി വിശ്വാസികൾക്കായി തുറന്നു നൽകി. പുനർ നിർമാണം നടത്തിയ പള്ളിയാണ് തുറന്ന് നൽകിയത്. സമസ്ത കേരള ജംഇയ്യത്തുൽ ഉലമ പ്രസിഡന്റ് ജിഫ്രി മുത്തുകോയ തങ്ങൾ പള്ളിയുടെ ഉദ്ഘാടനകർമ്മം നിർവഹിച്ചു. വിശ്വാസത്തിനപ്പുറം സമൂഹത്തിന്റെ ക്ഷേമ സമാധാനങ്ങൾക്കായി നിലകൊള്ളേണ്ടവയാണ് പള്ളികൾ എന്ന്‌ മുത്തുകോയ തങ്ങൾ അഭിപ്രായപ്പെട്ടു. ചടങ്ങിൽ സമസ്ത കേന്ദ്ര മുശാവറ അംഗം കെ.പി.മുഹമ്മദ് മുസ്ലിയാർ അധ്യക്ഷത വഹിച്ചു. കെ.ഉണ്ണീൻകുട്ടി സഖാഫി, കെ.സി.അബൂബക്കർ ദാരിമി തുടങ്ങിയവർ പ്രഭാഷണം നടത്തി. മൊയ്തൂട്ടി തോട്ടശ്ശേരി, മൊയ്തുപ്പാ ഫൈസി, യൂസഫ് ഫൈസി, ഹബീബ് ഫൈസി, ടി.എ.സിദ്ദിഖ്,കല്ലടി അബൂബക്കർ, പാറശ്ശേരി ഹസൻ തുടങ്ങിയവർ പങ്കെടുത്തു.

കോവിഡ് പ്രതിരോധ പ്രവർത്തനങ്ങളുടെ ഭാഗമായി കല്ലടിക്കോട് സ്റ്റേഷൻ പരിധിയിൽ പോലീസ് പരിശോധന കർശനമാക്കി.

കോവിഡ് 19 ബോധവത്കരണം നടത്താനും നിയമ ലംഘകരെ പിടികൂടാനുമായി കല്ലടിക്കോട് പോലീസ് മൂന്ന് സ്ക്വാഡുകളായി പരിശോധന കർശനമാക്കി. സി.ഐ.സിജോ, എസ് ഐ മാരായ ഡോമിനിക്, രവീന്ദ്രൻ, സുൽഫിക്കർ എന്നിവരുടെ നേതൃത്വത്തിലുള്ള മൂന്ന് ടീമായാണ് പരിശോധന ആരംഭിച്ചിട്ടുള്ളത്. മാസ്ക് ധരിക്കൽ,സാമൂഹിക അകലം പാലിക്കൽ തുടങ്ങി കൊറോണാ മാനദണ്ഡങ്ങൾ പാലിക്കാത്ത ഇരുപത്തഞ്ചോളം പേരിൽ നിന്നും പിഴ ഈടാക്കിയതായി കല്ലടിക്കോട് എസ് എച്ച് ഒ സിജോ പറഞ്ഞു. ആളുകൾ കൂടുന്ന പ്രധാന ഇടങ്ങളിലെല്ലാം പോലീസ് സംഘം പരിശോധന നടത്തി. കോവിഡ് വ്യാപനം നിയന്ത്രണ വിധേയമാക്കാൻ പല വഴികളിലൂടെ പരിശ്രമിക്കുകയാണ് പോലീസ്. അശ്രദ്ധയോടെ കഴിയുന്നവരെ നന്നാക്കിയെടുക്കാൻ വേണ്ടത്ര ഉപദേശവും നൽകുന്നുണ്ട്. സാമൂഹിക അകലം പാലിക്കല്‍ ഉള്‍പ്പെടെയുള്ള ആരോഗ്യ സുരക്ഷാ മാനദണ്ഡങ്ങള്‍ പോലീസ് കര്‍ശനമായി നടപ്പാക്കും. ഒരു സ്ഥലത്തും ആള്‍ക്കൂട്ടം അനുവദിക്കില്ല. പച്ചക്കറി മത്സ്യ മാര്‍ക്കറ്റുകള്‍, ടാക്സി സ്റ്റാൻഡ്, റേഷൻ കടകൾ ബാങ്കുകൾ എന്നിവിടങ്ങളില്‍ പ്രത്യേക ശ്രദ്ധ ചെലുത്തുന്നു. കല്ലടിക്കോട് സ്റ്റേഷൻ പരിധിയിൽ സ്ഥിതി നിലവിൽ നിയന്ത്രണ വിധേയമാണെന്നും പക്ഷെ ജാഗ്രത കൈവെടിയരുതെന്നും സി. ഐ. പറഞ്ഞു.

District News

സ്ത്രീകളുടെ മാനസിക സംഘര്‍ഷം കുറയ്ക്കാന്‍ കൗണ്‍സിലര്‍മാരുടെ സേവനം തുടരും : വനിതാ കമ്മീഷന്‍

ലോക്ക് ഡൗണ്‍ കാലത്ത് സ്ത്രീകളുടെ മാനസിക സംഘര്‍ഷം കുറയ്ക്കാന്‍ വനിതാ കമ്മീഷന്‍ നിയോഗിച്ച കൗണ്‍സിലര്‍മാരുടെ സേവനം ലോക്ക് ഡൗണിനു ശേഷവും തുടരുമെന്ന് വനിതാ കമ്മീഷന്‍ ചെയര്‍പേഴ്സണ്‍ എം.സി ജോസഫൈന്‍ പറഞ്ഞു. ലോക്ക് ഡൗണ്‍ കാലത്ത് സ്ത്രീകളുടെ പ്രശ്നങ്ങള്‍ കേള്‍ക്കാനും പരിഹരിക്കാനുമായി വനിതാ കമ്മീഷന്‍ കൗണ്‍സലര്‍മാരെ നിയോഗിച്ചിരുന്നു. ഇവരുടെ സേവനം സ്ത്രീകള്‍ക്ക് എറെ ഗുണകരമായിട്ടുണ്ട്. ലോക്ക് ഡൗണ്‍ സമയത്ത് ഗാര്‍ഹിക പീഢനങ്ങള്‍ കുറഞ്ഞതായി ചെയര്‍പേഴ്സണ്‍ പറഞ്ഞു. രോഗഭീതി ഉണ്ടായിരുന്നെങ്കിലും വീടുകളില്‍ സമാധാന അന്തരീക്ഷം ഉണ്ടായിരുന്നു. കലക്ട്റേറ്റ് കോണ്‍ഫറന്‍സ് ഹാളില്‍ സംഘടിപ്പിച്ച വനിതാ കമ്മീഷന്‍ മെഗാ അദാലത്തിനു ശേഷം നടത്തിയ പത്രസമ്മേളനത്തില്‍ സംസാരിക്കുകയായിരുന്നു കമ്മീഷന്‍ ചെയര്‍പേഴ്സണ്‍. സ്ത്രീകള്‍ക്കെതിരെയുള്ള ക്രമിനില്‍ കേസുകള്‍ കൈകാര്യം ചെയ്യുന്ന കമ്മീഷനു മുന്‍പാകെ സ്വത്ത് സംബന്ധമായ നിരവധി സിവില്‍ കേസുകള്‍ വരുന്നതായും ചെയര്‍പേഴ്സണ്‍ പറഞ്ഞു. സ്ത്രീകള്‍ക്കെതിരെയുള്ള മാനസികവും ശാരീരികവുമായ അതിക്രമങ്ങള്‍ തടയുന്നതിനും ക്രിമിനല്‍ കേസുകള്‍ കൈകാര്യം ചെയ്യുന്നതിനുമുള്ള സംവിധാനമാണ് വനിതാ കമ്മീഷന്‍. പുരുഷന്മാര്‍ സ്ത്രീകളെ പ്രേരിപ്പിച്ച് കേസുകള്‍ നല്‍കുന്നുണ്ട്. ഇത്തരം കാര്യങ്ങള്‍ ശ്രദ്ധയില്‍പ്പെട്ടാല്‍ നടപടി എടുക്കുമെന്ന് ചെയര്‍പേഴ്സണ്‍ പറഞ്ഞു. സ്ത്രീകളുടെ അധ്വാനത്തിന്റെ വില മതിച്ച സുപ്രീം കോടതിയിലെ ജസ്റ്റിസ് രമണയുടെ വിധിയെ വനിതാ കമ്മീഷന്‍ സ്വാഗതം ചെയ്യുന്നതായും അവര്‍ പറഞ്ഞു. അമ്മയുടെ സ്വത്ത് മകളുടെ അനുവാദമില്ലാതെ മകന്‍ വിറ്റതായുള്ള പരാതിയില്‍ അമ്മയില്‍ നിന്നും വിവരങ്ങള്‍ ചോദിച്ചറിഞ്ഞ കമ്മീഷന്‍ പരാതിയില്‍ കഴമ്പില്ലെന്നു കണ്ടെത്തുകയും മകനുമായി ബന്ധപ്പെട്ട് അമ്മയുടെ സുരക്ഷ ഉറപ്പാക്കുകയും ചെയ്തു. വീട്ടിലേക്കുള്ള വഴി മുടക്കുന്നതുമായി ബന്ധപ്പെട്ട പരാതി, ആശ്രിത നിയമനം, സ്വത്ത് തര്‍ക്കം എന്നിവയെല്ലാം മാനുഷിക പരിഗണനയുടെ പേരില്‍ സമീപിക്കുകയാണെന്ന് കമ്മീഷന്‍ പറഞ്ഞു. ഒരു സ്ഥാപനത്തില്‍ ജോലി ചെയ്യുന്നവര്‍ അവിടെ ബുദ്ധിമുട്ടുണ്ടാവുകയാണെങ്കില്‍ ബന്ധപ്പെട്ട മേലധികാരിക്കാണ് പരാതി നല്‍കേണ്ടത്. അവിടേയും നടപടി ഇല്ലാതാവുമ്പോള്‍ മാത്രമേ കമ്മീഷനെ സമീപിക്കേണ്ടതുള്ളൂ. ഇത്തരത്തില്‍ പരാതി നല്‍കാത്ത സാഹചര്യത്തില്‍ കമ്മീഷന്‍ സ്ഥാപനമേധാവിക്ക് പരാതി അയക്കേണ്ട സാഹചര്യമുണ്ടാവുകയാണ്. അതിനാല്‍ പരാതികള്‍ ബന്ധപ്പെട്ട അധികാരികള്‍ക്ക് കൈമാറാന്‍ ശ്രമിക്കണമെന്ന് ജില്ലയിലെ ഒരു സഹകരണ സംഘം വനിതാ പ്രസിഡന്റിനെ വൈസ് പ്രസിഡന്റ് മാനസികമായി ബുദ്ധിമുട്ടിക്കുന്നതുമായി ബന്ധപ്പെട്ട് ലഭിച്ച പരാതി പരിഗണിക്കവേ ചെയര്‍പേഴ്സണ്‍ പറഞ്ഞു. കോവിഡിനെ തുടര്‍ന്ന് ഒമ്പത് മാസങ്ങള്‍ക്കു ശേഷമാണ് കമ്മീഷന്‍ അദാലത്ത് നടത്തുന്നത്. അദാലത്തില്‍ 70 പരാതികളാണ് പരിഗണിച്ചത്. ഇതില്‍ 22 പരാതികള്‍ തീര്‍പ്പാക്കി. എട്ട് പരാതികള്‍ റിപ്പോര്‍ട്ട് സമര്‍പ്പിക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറി. 40 പരാതികള്‍ അടുത്ത അദാലത്തില്‍ പരിഗണിക്കുന്നതിനായി മാറ്റിവെച്ചു. ഇതിനു പുറമെ പുതുതായി നാല് പരാതികളും ലഭിച്ചു. അദാലത്തില്‍ വനിതാ കമ്മീഷന്‍ അംഗങ്ങളായ ഇ.എം.രാധ, ഷിജി ശിവജി, വനിതാ കമ്മീഷന്‍ ഡയറക്ടര്‍ എസ്.പി വി.യു കുര്യാക്കോസ് എന്നിവര്‍ പങ്കെടുത്തു.

സ്ത്രീകളുടെ മാനസിക സംഘര്‍ഷം കുറയ്ക്കാന്‍ കൗണ്‍സിലര്‍മാരുടെ സേവനം തുടരും : വനിതാ കമ്മീഷന്‍

ലോക്ക് ഡൗണ്‍ കാലത്ത് സ്ത്രീകളുടെ മാനസിക സംഘര്‍ഷം കുറയ്ക്കാന്‍ വനിതാ കമ്മീഷന്‍ നിയോഗിച്ച കൗണ്‍സിലര്‍മാരുടെ സേവനം ലോക്ക് ഡൗണിനു ശേഷവും തുടരുമെന്ന് വനിതാ കമ്മീഷന്‍ ചെയര്‍പേഴ്സണ്‍ എം.സി ജോസഫൈന്‍ പറഞ്ഞു. ലോക്ക് ഡൗണ്‍ കാലത്ത് സ്ത്രീകളുടെ പ്രശ്നങ്ങള്‍ കേള്‍ക്കാനും പരിഹരിക്കാനുമായി വനിതാ കമ്മീഷന്‍ കൗണ്‍സലര്‍മാരെ നിയോഗിച്ചിരുന്നു. ഇവരുടെ സേവനം സ്ത്രീകള്‍ക്ക് എറെ ഗുണകരമായിട്ടുണ്ട്. ലോക്ക് ഡൗണ്‍ സമയത്ത് ഗാര്‍ഹിക പീഢനങ്ങള്‍ കുറഞ്ഞതായി ചെയര്‍പേഴ്സണ്‍ പറഞ്ഞു. രോഗഭീതി ഉണ്ടായിരുന്നെങ്കിലും വീടുകളില്‍ സമാധാന അന്തരീക്ഷം ഉണ്ടായിരുന്നു. കലക്ട്റേറ്റ് കോണ്‍ഫറന്‍സ് ഹാളില്‍ സംഘടിപ്പിച്ച വനിതാ കമ്മീഷന്‍ മെഗാ അദാലത്തിനു ശേഷം നടത്തിയ പത്രസമ്മേളനത്തില്‍ സംസാരിക്കുകയായിരുന്നു കമ്മീഷന്‍ ചെയര്‍പേഴ്സണ്‍. സ്ത്രീകള്‍ക്കെതിരെയുള്ള ക്രമിനില്‍ കേസുകള്‍ കൈകാര്യം ചെയ്യുന്ന കമ്മീഷനു മുന്‍പാകെ സ്വത്ത് സംബന്ധമായ നിരവധി സിവില്‍ കേസുകള്‍ വരുന്നതായും ചെയര്‍പേഴ്സണ്‍ പറഞ്ഞു. സ്ത്രീകള്‍ക്കെതിരെയുള്ള മാനസികവും ശാരീരികവുമായ അതിക്രമങ്ങള്‍ തടയുന്നതിനും ക്രിമിനല്‍ കേസുകള്‍ കൈകാര്യം ചെയ്യുന്നതിനുമുള്ള സംവിധാനമാണ് വനിതാ കമ്മീഷന്‍. പുരുഷന്മാര്‍ സ്ത്രീകളെ പ്രേരിപ്പിച്ച് കേസുകള്‍ നല്‍കുന്നുണ്ട്. ഇത്തരം കാര്യങ്ങള്‍ ശ്രദ്ധയില്‍പ്പെട്ടാല്‍ നടപടി എടുക്കുമെന്ന് ചെയര്‍പേഴ്സണ്‍ പറഞ്ഞു.സ്ത്രീകളുടെ അധ്വാനത്തിന്റെ വില മതിച്ച സുപ്രീം കോടതിയിലെ ജസ്റ്റിസ് രമണയുടെ വിധിയെ വനിതാ കമ്മീഷന്‍ സ്വാഗതം ചെയ്യുന്നതായും അവര്‍ പറഞ്ഞു. അമ്മയുടെ സ്വത്ത് മകളുടെ അനുവാദമില്ലാതെ മകന്‍ വിറ്റതായുള്ള പരാതിയില്‍ അമ്മയില്‍ നിന്നും വിവരങ്ങള്‍ ചോദിച്ചറിഞ്ഞ കമ്മീഷന്‍ പരാതിയില്‍ കഴമ്പില്ലെന്നു കണ്ടെത്തുകയും മകനുമായി ബന്ധപ്പെട്ട് അമ്മയുടെ സുരക്ഷ ഉറപ്പാക്കുകയും ചെയ്തു. വീട്ടിലേക്കുള്ള വഴി മുടക്കുന്നതുമായി ബന്ധപ്പെട്ട പരാതി, ആശ്രിത നിയമനം, സ്വത്ത് തര്‍ക്കം എന്നിവയെല്ലാം മാനുഷിക പരിഗണനയുടെ പേരില്‍ സമീപിക്കുകയാണെന്ന് കമ്മീഷന്‍ പറഞ്ഞു. ഒരു സ്ഥാപനത്തില്‍ ജോലി ചെയ്യുന്നവര്‍ അവിടെ ബുദ്ധിമുട്ടുണ്ടാവുകയാണെങ്കില്‍ ബന്ധപ്പെട്ട മേലധികാരിക്കാണ് പരാതി നല്‍കേണ്ടത്. അവിടേയും നടപടി ഇല്ലാതാവുമ്പോള്‍ മാത്രമേ കമ്മീഷനെ സമീപിക്കേണ്ടതുള്ളൂ. ഇത്തരത്തില്‍ പരാതി നല്‍കാത്ത സാഹചര്യത്തില്‍ കമ്മീഷന്‍ സ്ഥാപനമേധാവിക്ക് പരാതി അയക്കേണ്ട സാഹചര്യമുണ്ടാവുകയാണ്. അതിനാല്‍ പരാതികള്‍ ബന്ധപ്പെട്ട അധികാരികള്‍ക്ക് കൈമാറാന്‍ ശ്രമിക്കണമെന്ന്് ജില്ലയിലെ ഒരു സഹകരണ സംഘം വനിതാ പ്രസിഡന്റിനെ വൈസ് പ്രസിഡന്റ് മാനസികമായി ബുദ്ധിമുട്ടിക്കുന്നതുമായി ബന്ധപ്പെട്ട് ലഭിച്ച പരാതി പരിഗണിക്കവേ ചെയര്‍പേഴ്സണ്‍ പറഞ്ഞു. കോവിഡിനെ തുടര്‍ന്ന് ഒമ്പത് മാസങ്ങള്‍ക്കു ശേഷമാണ് കമ്മീഷന്‍ അദാലത്ത് നടത്തുന്നത്. അദാലത്തില്‍ 70 പരാതികളാണ് പരിഗണിച്ചത്. ഇതില്‍ 22 പരാതികള്‍ തീര്‍പ്പാക്കി. എട്ട് പരാതികള്‍ റിപ്പോര്‍ട്ട് സമര്‍പ്പിക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറി. 40 പരാതികള്‍ അടുത്ത അദാലത്തില്‍ പരിഗണിക്കുന്നതിനായി മാറ്റിവെച്ചു. ഇതിനു പുറമെ പുതുതായി നാല് പരാതികളും ലഭിച്ചു. അദാലത്തില്‍ വനിതാ കമ്മീഷന്‍ അംഗങ്ങളായ ഇ.എം.രാധ, ഷിജി ശിവജി, വനിതാ കമ്മീഷന്‍ ഡയറക്ടര്‍ എസ്.പി വി.യു കുര്യാക്കോസ് എന്നിവര്‍ പങ്കെടുത്തു.

കോവിഡ് വാക്സിനേഷന്‍ : മൂന്ന് കേന്ദ്രങ്ങളില്‍ ഡ്രൈ റണ്‍ നടന്നു.

കോവിഡ് വാക്സിന്‍ കുത്തിവെപ്പിനുള്ള തയ്യാറെടുപ്പുകളുടെ ഭാഗമായി ജില്ലയിലെ മൂന്ന് കേന്ദ്രങ്ങളില്‍ ഡ്രൈ റണ്‍ വിജയകരമായി നടന്നു. ജില്ലാ ആശുപത്രി, ഒറ്റപ്പാലം വള്ളുവനാട് ആശുപത്രി, ഡയാറ സ്ട്രീറ്റ് അര്‍ബന്‍ പി.എച്ച്.സി യുടെ ഔട്ട് റീച്ച് ഇമ്മ്യൂണൈസേഷന്‍ സെന്ററായ പാലക്കാട് കൊപ്പം എല്‍.പി സ്‌കൂള്‍ എന്നിവിടങ്ങളിലാണ് ഡ്രൈ റണ്‍ നടന്നത്. രാവിലെ 9 ന് ആരംഭിച്ച ഡ്രൈ റണ്‍ മൂന്നു കേന്ദ്രങ്ങളിലും തടസ്സങ്ങള്‍ ഒന്നുമില്ലാതെ പൂര്‍ത്തിയായി. രണ്ട് മണിക്കൂറിനകം തന്നെ എല്ലാ ആരോഗ്യപ്രവര്‍ത്തകരിലും ഡ്രൈ റണ്‍ നടത്താനായി. ഓരോ കേന്ദ്രങ്ങളിലും 25 ആരോഗ്യ പ്രവര്‍ത്തകര്‍ വീതം 75 പേരാണ് പങ്കെടുത്തത്. വാക്സിന്‍ സ്വീകരിക്കാനെത്തിയ ആരോഗ്യപ്രവര്‍ത്തകര്‍ നേരത്തെ രജിസ്റ്റര്‍ ചെയ്തിട്ടുണ്ടെന്ന് പരിശോധിക്കുന്നത് ഉള്‍പ്പെടെയുള്ള നടപടിക്രമങ്ങളിലൂടെയാണ് ഡ്രൈ റണ്‍ നടന്നത്. കോവിഡ് മാനദണ്ഡങ്ങള്‍ പാലിച്ച് നടന്ന ഡ്രൈ റണില്‍ കുത്തിവെപ്പിനായി ഒരുക്കിയിട്ടുള്ള ക്രമീകരണങ്ങള്‍ കൃത്യമായി വിലയിരുത്താനും സാധിച്ചു. കൊവീന്‍ ആപ്ലിക്കേഷന്‍ പ്രവര്‍ത്തന സജ്ജമാണെന്ന് ഉറപ്പുവരുത്തി. ജനുവരി രണ്ടിന് നെന്മാറ സാമൂഹിക ആരോഗ്യകേന്ദ്രത്തില്‍ നടത്തിയ ആദ്യ ഡ്രൈ റണ്‍ വിജയകരമായിരുന്നു. ഒരു വാക്സിനേറ്റര്‍ ഓഫീസറും നാല് വാക്സിനേഷന്‍ ഓഫീസര്‍മാരും അടങ്ങുന്ന സംഘത്തെയാണ് ഡ്രൈ റണ്ണിനായി സജ്ജമാക്കിയത്. കോവിഡ് മാനദണ്ഡങ്ങള്‍ പാലിച്ചുകൊണ്ടുള്ള വെയിറ്റിംഗ് ഏരിയ, തിരിച്ചറിയല്‍ പരിശോധന, വാക്സിനേഷന്‍, വാക്‌സിനേഷന്‍ എടുത്തവര്‍ക്ക് 30 മിനിറ്റ് നിരീക്ഷണം എന്നീ സജ്ജീകരണങ്ങളോടെയാണ് രണ്ട് ഡ്രൈ റണ്ണും നടന്നത്.

കോവിഡ് വാക്സിനേഷന്‍ ; മൂന്ന് കേന്ദ്രങ്ങളില്‍ ഡ്രൈ റണ്‍ നടന്നു

കോവിഡ് വാക്സിന്‍ കുത്തിവെപ്പിനുള്ള തയ്യാറെടുപ്പുകളുടെ ഭാഗമായി ജില്ലയിലെ മൂന്ന് കേന്ദ്രങ്ങളില്‍ ഡ്രൈ റണ്‍(മോക്ഡ്രില്‍) വിജയകരമായി നടന്നു. ജില്ലാ ആശുപത്രി, ഒറ്റപ്പാലം വള്ളുവനാട് ആശുപത്രി, ഡയാറ സ്ട്രീറ്റ് അര്‍ബന്‍ പി.എച്ച്.സി യുടെ ഔട്ട് റീച്ച് ഇമ്മ്യൂണൈസേഷന്‍ സെന്ററായ പാലക്കാട് കൊപ്പം എല്‍.പി സ്‌കൂള്‍ എന്നിവിടങ്ങളിലാണ് ഡ്രൈ റണ്‍ നടന്നത്. രാവിലെ 9 ന് ആരംഭിച്ച ഡ്രൈ റണ്‍ മൂന്നു കേന്ദ്രങ്ങളിലും തടസ്സങ്ങള്‍ ഒന്നുമില്ലാതെ പൂര്‍ത്തിയായി. രണ്ട് മണിക്കൂറിനകം തന്നെ എല്ലാ ആരോഗ്യപ്രവര്‍ത്തകരിലും ഡ്രൈ റണ്‍ നടത്താനായി. ഓരോ കേന്ദ്രങ്ങളിലും 25 ആരോഗ്യ പ്രവര്‍ത്തകര്‍ വീതം 75 പേരാണ് പങ്കെടുത്തത്. വാക്സിന്‍ സ്വീകരിക്കാനെത്തിയ ആരോഗ്യപ്രവര്‍ത്തകര്‍ നേരത്തെ രജിസ്റ്റര്‍ ചെയ്തിട്ടുണ്ടെന്ന് പരിശോധിക്കുന്നത് ഉള്‍പ്പെടെയുള്ള നടപടിക്രമങ്ങളിലൂടെയാണ് ഡ്രൈ റണ്‍ നടന്നത്. കോവിഡ് മാനദണ്ഡങ്ങള്‍ പാലിച്ച് നടന്ന ഡ്രൈ റണില്‍ കുത്തിവെപ്പിനായി ഒരുക്കിയിട്ടുള്ള ക്രമീകരണങ്ങള്‍ കൃത്യമായി വിലയിരുത്താനും സാധിച്ചു. കൊവീന്‍ ആപ്ലിക്കേഷന്‍ പ്രവര്‍ത്തന സജ്ജമാണെന്ന് ഉറപ്പുവരുത്തി. ജനുവരി രണ്ടിന് നെന്മാറ സാമൂഹിക ആരോഗ്യകേന്ദ്രത്തില്‍ നടത്തിയ ആദ്യ ഡ്രൈ റണ്‍ വിജയകരമായിരുന്നു. ഒരു വാക്സിനേറ്റര്‍ ഓഫീസറും നാല് വാക്സിനേഷന്‍ ഓഫീസര്‍മാരും അടങ്ങുന്ന സംഘത്തെയാണ് ഡ്രൈ റണ്ണിനായി സജ്ജമാക്കിയത്. കോവിഡ് മാനദണ്ഡങ്ങള്‍ പാലിച്ചുകൊണ്ടുള്ള വെയിറ്റിംഗ് ഏരിയ, തിരിച്ചറിയല്‍ പരിശോധന, വാക്സിനേഷന്‍, വാക്‌സിനേഷന്‍ എടുത്തവര്‍ക്ക് 30 മിനിറ്റ് നിരീക്ഷണം എന്നീ സജ്ജീകരണങ്ങളോടെയാണ് രണ്ട് ഡ്രൈ റണ്ണും നടന്നത്.

Programms

Videos

മണ്ണാര്‍ക്കാട് പൂരം 2020 - ചെട്ടിവേല തത്സമയം

മണ്ണാര്‍ക്കാട് പൂരം 2020 - ചെട്ടിവേല തത്സമയം

മണ്ണാര്‍ക്കാട് പൂരം തത്സമയം : പഞ്ചാരിമേളം, കുടമാറ്റം

മണ്ണാര്‍ക്കാട് പൂരം തത്സമയം : പഞ്ചാരിമേളം, കുടമാറ്റം

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .