കേരള വ്യാപാരി വ്യവസായി ഏകോപന സമിതി മണ്ണാർക്കാട് യൂണിറ്റിന്റെ നേതൃത്വത്തിൽ മുനിസിപ്പാലിറ്റി കൗൺസിലർമാർക്ക് സ്വീകരണം നൽകി.

കേരള വ്യാപാരി വ്യവസായി ഏകോപന സമിതി മണ്ണാർക്കാട് യൂണിറ്റിന്റെ നേതൃത്വത്തിൽ മുനിസിപ്പാലിറ്റി കൗൺസിലർമാർക്ക് സ്വീകരണം നൽകി. വ്യാപാര ഭവനിലാണ് പരിപാടി സംഘടിപ്പിച്ചത്. ഏകോപനസമിതി ജില്ല പ്രസിഡന്റ് ബാബു കോട്ടയിൽ ചടങ്ങ് ഉദ്ഘാടനം ചെയ്തു. പുതിയ ഭരണ സമിതിയുടെ നേതൃത്വത്തിൽ മണ്ണാർക്കാട് നഗര സഭയിൽ സമഗ്ര വികസനം പ്രതീക്ഷിക്കുന്നതായി ബാബു കോട്ടയിൽ അഭിപ്രായപ്പെട്ടു. വികസനമെന്നത് ജനങ്ങളുടെ ജീവിത നിലവാരം ഉയർത്തി കൊണ്ടുള്ളതാവണം. ഇക്കാര്യത്തിൽ വ്യാപാരികളുടെ പരിപൂർണ്ണ പിന്തുണയും നൽകുന്നതായി ബാബു കോട്ടയിൽ അറിയിച്ചു. തുടർന്ന് ചെയർമാൻ ഫായിദ ബഷീർ, വൈസ് ചെയർപേഴ്സൺ പ്രസീദ തുടങ്ങി നഗരസഭയിലെ 29 കൗൺസിലർമാരെയും ആദരിച്ചു. ചടങ്ങിൽ ഏകോപന സമിതി ജില്ല സെക്രട്ടറി ഹമീദ് മുഖ്യ പ്രഭാഷണം നടത്തി. യൂണിറ്റ് പ്രസിഡന്റ് ബാസിത് മുസ്‌ലിം അധ്യക്ഷത വഹിച്ചു. സെക്രട്ടറി രമേഷ് പൂർണ്ണിമ, ഭാരവാഹികളായ ജോൺസൺ, എൻ. ആർ. സുരേഷ്, ഷമീർ, അഭിലാഷ് പാപ്പാല, റെനീഷ്, കെ. വി. ഷംസുദ്ധീൻ, ഷമീർ. വി.കെ.എച്ച് തുടങ്ങിയവർ പങ്കെടുത്തു.

News

ജനസഹസ്രങ്ങളുടെ കണ്ണീർ പ്രവാഹത്തിൽ കോങ്ങാട് എംഎൽഎ കെ.വി. വിജയദാസിന് യാത്രമൊഴി.

ജനസഹസ്രങ്ങളുടെ കണ്ണീർ പ്രവാഹത്തിൽ കോങ്ങാട് എംഎൽഎ കെ. വി. വിജയദാസിന് യാത്രമൊഴി. ഔദ്യോഗിക ബഹുമതികളോടെ മൃതദേഹം സംസ്കരിച്ചു. മുഖ്യമന്ത്രി ഉൾപ്പെടെ ഭരണകർത്താക്കളും, രാഷ്ട്രീയ,സാമൂഹിക മേഖലകളിലെ പ്രമുഖരും വിജയദാസിന് അന്ത്യോപചാരം അർപ്പിച്ചു. രാവിലെ എഴു മണിയോടെയാണ് മൃതദേഹം വിജയ ദാസിന്റെ എലപ്പുള്ളിയിലെ വീട്ടിൽ എത്തിച്ചത്. 8 മണി വരെ വീട്ടിൽ ദർശനത്തിന് വച്ച ശേഷം ഒൻപത് മണിവരെ എലപ്പുള്ളി ഗവണ്മെന്റ് ഹൈസ്കൂളിലും പൊതുദർശനത്തിന് വച്ചു. തുടർന്ന് ഒൻപതര മണിയോടെ സിപിഎം പാലക്കാട്‌ ജില്ല കമ്മിറ്റി ഓഫീസിലെത്തിച്ചു. ആയിരക്കണക്കിന് ജനങ്ങളാണ് പ്രിയ സഖാവിന് അന്ത്യോപചാരം അർപ്പിക്കാൻ ജില്ല കമ്മിറ്റി ഓഫീസിലേക്ക് പ്രവഹിച്ചത്. ഓഫീസിന് അകത്തും, പുറത്തുമായി നീണ്ട നിര മണിക്കൂറുകളോളം തുടർന്നു. മുഖ്യമന്ത്രിയുടെ സന്ദർശനം വരെയാണ് പൊതുദർശനം നീണ്ടത്. 11.45 നാണ് മുഖ്യമന്ത്രി പിണറായി വിജയൻ ജില്ല കമ്മിറ്റി ഓഫീസിലെത്തിയത്. തിരുവനന്തപുരത്തു നിന്ന് ഹെലികോപ്റ്ററിൽ കഞ്ചിക്കോട് എത്തിയ അദ്ദേഹം തുടർന്ന് റോഡ് മാർഗ്ഗമാണ് എത്തിയത്. മുഖ്യമന്ത്രിക്കൊപ്പം നിയമസഭ സ്പീക്കർ ശ്രീരാമകൃഷ്ണൻ, മന്ത്രിമാരായ ഇ. പി. ജയരാജൻ, കൃഷ്ണൻകുട്ടി എന്നിവരും ഉണ്ടായിരുന്നു. തുടർന്ന് മുഖ്യമന്ത്രി കെ. വി. വിജയദാസിന്റെ മൃതദേഹത്തിന് അരികിലെത്തി അന്ത്യോപചാരം അർപ്പിച്ച ശേഷം മക്കളെ ആശ്വസിപ്പിച്ചു. ഉടനെ തന്നെ മുഖ്യമന്ത്രി മടങ്ങി. തുടർന്ന് റെഡ് വളണ്ടിയ ർമാർ അന്ത്യഅഭിവാദ്യമർപ്പിച്ചു. ആംബുലൻസിൽ കയറ്റിയ മൃതദേഹം ഉച്ചക്ക് 12.30 മണിയോടെ ചന്ദ്രനഗറിൽ വൈദ്യുതി സ്മാശാനത്തിൽ സംസ്കരിച്ചു. സംസ്ഥാനത്ത്‌ ജില്ലാ പഞ്ചായത്ത്നിലവിൽ വന്ന 1995ൽ പാലക്കാട്‌ ജില്ലാപഞ്ചായത്ത്‌ പ്രഥമ പ്രസിഡന്റായി തെരഞ്ഞെടുക്കപ്പെട്ട കെ. വി. വിജയദാസ് രാജ്യത്തിനു തന്നെ മാതൃകയായാണ് മീൻവല്ലം ജലവൈദ്യുത പദ്ധതി നടപ്പാക്കിയത്‌. 2011ൽ കോങ്ങാട് മണ്ഡലം രൂപീകരിച്ചതോടെ ആദ്യ എംഎൽഎ ആയി. തുടർന്ന് 2016ലെ തെരഞ്ഞെടുപ്പിലും ഈ വിജയം ആവർത്തിച്ചു. ഇതോടെ മണ്ഡലത്തിൽ ജനങ്ങളുടെ പ്രിയപ്പെട്ട പ്രതിനിധിയായി വിജയദാസ് മാറി. കാഞ്ഞിരപ്പുഴയിൽ പാമ്പൻ തോട്, വെറ്റിലചോല തുടങ്ങി ആദിവാസി മേഖലകളിൽ വികസനമെത്തിക്കുന്നതിൽ നിർണ്ണായക പങ്കാണ് വിജയദാസ് വഹിച്ചത്. ഡാമിന്റെ നവീകരണത്തിനും അമരത്വം വഹിച്ച ഇദ്ദേഹം നിർമ്മാണം പുരോഗമിച്ചു കൊണ്ടിരിക്കുന്ന ചിറക്കൽപടി- കാഞ്ഞിരപ്പുഴ റോഡിന്റെ പ്രവർത്തനങ്ങൾക്ക് സജീവ ഇടപെടലുകളാണ് നടത്തിയത്. കെഎസ്‌വൈഎഫിലൂടെ പൊതുപ്രവർത്തനരംഗത്ത്‌ വന്ന കെ. വി. വിജയദാസ് സിപിഐഎം എലപ്പുള്ളി ലോക്കൽ സെക്രട്ടറി,സിപിഐഎം പുതുശേരി,ചിറ്റൂർ ഏരിയ സെക്രട്ടറി, ജില്ലാ കമ്മിറ്റി അംഗം എന്നീ നിലകളിൽ പ്രവർത്തിച്ചു.1987ൽ എലപ്പുള്ളി പഞ്ചായത്ത്‌ അംഗമായി തെരഞ്ഞെടുക്കപ്പെട്ടു.മികച്ച കർഷകൻകൂടിയായ വിജയദാസ്‌ കർഷകരുടെ പ്രശ്‌നങ്ങൾ നിയമസഭയിൽ അവതരിപ്പിക്കുന്നതിൽ എന്നും ശ്രദ്ധ ചെലുത്തിയിരുന്നു.മിച്ചഭൂമി സമരത്തിൽ പങ്കെടുത്ത്‌ ജയിൽവാസവും അനുഭവിച്ചിട്ടുണ്ട്.നിലവിൽ സിപിഎം ജില്ല സെക്രട്ടറിയേറ്റ് അംഗം ആണ്. ഭാര്യ പ്രേമ കുമാരി, ജയദീപ്, സന്ദീപ് എന്നിവർ മക്കളാണ്.

ലോട്ടറിയുടെ നമ്പർ തിരുത്തി സമ്മാനത്തുക തട്ടിയെടുത്തതായി പരാതി.

ലോട്ടറിയുടെ നമ്പർ തിരുത്തി സമ്മാനത്തുക തട്ടിയെടുത്തതായി പരാതി. നടന്നു ലോട്ടറി വിൽപന നടത്തുന്ന മാധവൻ എന്ന ലോട്ടറി തൊഴിലാളിയെ ആണ് കബളിപ്പിച്ചത്. തിങ്കളാഴ്ച വൈകുന്നേരം തച്ചമ്പാറ താഴെയാണ്‌ സംഭവം. തിങ്കളാഴ്ച നറുക്കെടുത്ത വിൻവിൻ ലോട്ടറിയുടെ ഏഴാം സമ്മാനമായ 500 രൂപയ്ക്ക് അർഹമായ നമ്പർ തിരുത്തിയാണു തട്ടിപ്പു നടത്തിയത്. 5484 എന്ന നമ്പറിനാണ് സമ്മാനം ലഭിച്ചത്. എന്നാൽ KU 445485 എന്ന ലോട്ടറി ടിക്കറ്റിലെ ആറാമത്തെ അക്കമായ 5 തിരുത്തി 4 ആക്കിയാണു തട്ടിപ്പ് നടത്തിയത്. 2 ആഴ്ച മുമ്പ് തച്ചമ്പാറ സ്കൂൾ പരിസരത്ത് നിന്നും സമാന രീതിയിൽ തട്ടിപ്പ് നടത്തിയിരുന്നു. 2 സംഭവങ്ങളിലും നീല സ്കൂട്ടറിൽ വന്ന വ്യക്തിയാണ് തട്ടിപ്പ് നടത്തിയത്. പ്രായം ചെന്നവരെയും ഭിന്നശേഷിക്കാരെയും ലക്ഷ്യം വച്ചാണ് ഇത്തരക്കാർ തട്ടിപ്പ് നടത്തുന്നത്.

സംസ്ഥാന ബജറ്റില്‍ വ്യാപാരികളെ അവഗണിച്ചു. ഏകോപന സമിതി മണ്ണാര്‍ക്കാട് നിയോജക മണ്ഡലം കണ്‍വെന്‍ഷന്‍ ബുധനാഴ്ച്ച നെല്ലിപ്പുഴയില്‍. സംസ്ഥാന പ്രസിഡന്റ് ടി.നസീറുദ്ദീന്‍ ഉദ്ഘാടനം ചെയ്യും.

കേരള വ്യാപാരി വ്യവസായി ഏകോപന സമിതി മണ്ണാര്‍ക്കാട് നിയോജക മണ്ഡലം കണ്‍വെന്‍ഷന്‍ ബുധനാഴ്ച്ച 4 മണിയ്ക്ക് നെല്ലിപ്പുഴയില്‍ നടക്കും. കണ്‍വെന്‍ഷന്‍ സംസ്ഥാന പ്രസിഡന്റ് ടി.നസീറുദ്ദീന്‍ ഉദ്ഘാടനം ചെയ്യും. ജില്ലയില്‍ നിന്നും സംസ്ഥാന ഭരണസമിതിയിലേക്ക് തിരഞ്ഞെടുക്കപ്പെട്ട ജോബി.വി ചുങ്കത്ത്, വി.എം ലത്തീഫ് എന്നിവരെ ആദരിക്കും. കൂടാതെ കര്‍ഷക ഐക്യദാര്‍ഢ്യ പ്രമേയവും പ്രതിജ്ഞയും രാഷ്ട്രീയ കിസാന്‍ മഹാ സംഘിന്റെ ട്രാക്ടര്‍ പരേഡിന് ഐക്യദാര്‍ഢ്യവും സമ്മേളനത്തിന്റെ ഭാഗമായി നടക്കും. മണ്ണാര്‍ക്കാട് മുന്‍സിപ്പാലിറ്റി കൗണ്‍സിലര്‍മാര്‍ക്കും തദ്ദേശ സ്വയംഭരണ സ്ഥാപനങ്ങളിലേക്ക് തിരഞ്ഞെടുക്കപ്പെട്ട ഏകോപന സമിതി അംഗങ്ങളേയും ആദരിക്കും. മണ്ഡലത്തിലെ 14 യൂണിറ്റുകളിലേയും പ്രതിനിധികള്‍ കണ്‍വെന്‍ഷനില്‍ പങ്കെടുക്കുമെന്നും നേതാക്കള്‍ വാര്‍ത്താ സമ്മേളനത്തില്‍ അറിയിച്ചു. ഭാരവാഹികളായ ഫിറോസ് ബാബു, സുബൈര്‍ തുര്‍ക്കി, കാജാ ഹുസൈന്‍, അബ്ദു റസാഖ്, ഷാജഹാന്‍, അബ്ബാസ് തുടങ്ങിയവര്‍ പങ്കെടുത്തു.

സഹോദരനെ നഷ്ടപ്പെട്ട പ്രതീതി : കെ വി വിജയദാസിൻ്റെ നിര്യാണത്തിൽ മന്ത്രി എ കെ ബാലൻ അനുശോചിച്ചു.

കെ വി വിജയദാസിൻ്റെ നിര്യാണത്തിൽ മന്ത്രി എ കെ ബാലൻ അനുശോചിച്ചു. കെ വി വിജയദാസിന്റെ അകാലമരണം ഏറെ ദുഃഖവും ഞെട്ടലുമുണ്ടാക്കുന്നതാണ്. കോവിഡ് 19 ബാധിച്ച് ജില്ലാ ആശുപത്രിയിൽ ചികിത്സയിലായിരുന്നപ്പോഴും തുടർന്നും ദിവസവും വിജയദാസിന്റെ ആരോഗ്യസ്ഥിതി അന്വേഷിച്ചു കൊണ്ടിരുന്നു. അൽപ്പം ഗുരുതരാവസ്ഥയിലെത്തിയപ്പോഴും ജീവിതത്തിലേക്ക് തിരിച്ചുവരുമെന്ന പ്രതീക്ഷയായിരുന്നു. പാലക്കാട് ജില്ലയിൽ അടിസ്ഥാന വർഗത്തെ ഇടതുപക്ഷത്തോട് അടുപ്പിക്കുന്നതിൽ വലിയ പങ്കുവഹിച്ച നേതാവാണ് വിജയദാസ്.  സഹോദരനെ നഷ്ടപ്പെട്ട പ്രതീതിയാണ് എനിക്കുള്ളത്. ഈ ദുഃഖം പ്രകടിപ്പിക്കാൻ വാക്കുകൾ പര്യാപ്തമല്ല. പാലക്കാട് ജില്ലാ പഞ്ചായത്ത് പ്രസിഡന്റ് എന്ന നിലയിൽ നടത്തിയ പ്രവർത്തനങ്ങളിലൂടെ  കേരളത്തിൽ അദ്ദേഹം ശ്രദ്ധിക്കപ്പെട്ടു. ജില്ലാ പഞ്ചായത്തിന്റെ നേതൃത്വത്തിൽ ആദ്യമായി ഒരു ചെറുകിട ജലവൈദ്യുത പദ്ധതിക്ക് രൂപം കൊടുത്തത് പാലക്കാട് ജില്ലയിൽ മീൻ വല്ലത്താണ്. വിജയദാസ് ആ പദ്ധതി യഥാർഥ്യമാക്കുന്നതിൽ സുപ്രധാന പങ്കുവഹിച്ചു. ഞാൻ വൈദ്യുതി വകുപ്പ് മന്ത്രിയായിരുന്ന കാലത്ത് ആ പദ്ധതിക്ക് എല്ലാ സഹായങ്ങളും നൽകി. ഒരു വെല്ലുവിളി എന്ന രൂപത്തിലാണ് ആ പദ്ധതി അദ്ദേഹം ഏറ്റെടുത്തത്. എം എൽ എ എന്ന നിലയിലും ചെറിയ കാലയളവിൽ മാതൃകാപരമായ പ്രവർത്തനമാണ് അദ്ദേഹം നടത്തിയത്. സഭക്കുള്ളിലും മണ്ഡലത്തിലും മികച്ച പ്രവർത്തനം നടത്തി ജനങ്ങൾക്ക് പ്രിയങ്കരനായ ജനപ്രതിനിധിയായി. പട്ടികജാതി ക്ഷേമസമിതിയിലും അദ്ദേഹം നല്ല പ്രവർത്തനം നടത്തിയിരുന്നു. പാലക്കാട് ജില്ലയിൽ എം നാരായണന്റെ വേർപാടിനു ശേഷം താങ്ങാനാവാത്തതാണ് വിജയദാസിന്റെ വിയോഗം. വിജയദാസിന്റെ ഓർമ്മക്കു മുന്നിൽ ഒരു പിടി രക്തപുഷ്പം അർപ്പിക്കുന്നു. പാർടി പ്രവർത്തകരുടെയും കുടുംബാംഗങ്ങളുടെയും ദുഃഖത്തിൽ പങ്കുചേരുന്നു.

District News

സ്ത്രീകളുടെ മാനസിക സംഘര്‍ഷം കുറയ്ക്കാന്‍ കൗണ്‍സിലര്‍മാരുടെ സേവനം തുടരും : വനിതാ കമ്മീഷന്‍

ലോക്ക് ഡൗണ്‍ കാലത്ത് സ്ത്രീകളുടെ മാനസിക സംഘര്‍ഷം കുറയ്ക്കാന്‍ വനിതാ കമ്മീഷന്‍ നിയോഗിച്ച കൗണ്‍സിലര്‍മാരുടെ സേവനം ലോക്ക് ഡൗണിനു ശേഷവും തുടരുമെന്ന് വനിതാ കമ്മീഷന്‍ ചെയര്‍പേഴ്സണ്‍ എം.സി ജോസഫൈന്‍ പറഞ്ഞു. ലോക്ക് ഡൗണ്‍ കാലത്ത് സ്ത്രീകളുടെ പ്രശ്നങ്ങള്‍ കേള്‍ക്കാനും പരിഹരിക്കാനുമായി വനിതാ കമ്മീഷന്‍ കൗണ്‍സലര്‍മാരെ നിയോഗിച്ചിരുന്നു. ഇവരുടെ സേവനം സ്ത്രീകള്‍ക്ക് എറെ ഗുണകരമായിട്ടുണ്ട്. ലോക്ക് ഡൗണ്‍ സമയത്ത് ഗാര്‍ഹിക പീഢനങ്ങള്‍ കുറഞ്ഞതായി ചെയര്‍പേഴ്സണ്‍ പറഞ്ഞു. രോഗഭീതി ഉണ്ടായിരുന്നെങ്കിലും വീടുകളില്‍ സമാധാന അന്തരീക്ഷം ഉണ്ടായിരുന്നു. കലക്ട്റേറ്റ് കോണ്‍ഫറന്‍സ് ഹാളില്‍ സംഘടിപ്പിച്ച വനിതാ കമ്മീഷന്‍ മെഗാ അദാലത്തിനു ശേഷം നടത്തിയ പത്രസമ്മേളനത്തില്‍ സംസാരിക്കുകയായിരുന്നു കമ്മീഷന്‍ ചെയര്‍പേഴ്സണ്‍. സ്ത്രീകള്‍ക്കെതിരെയുള്ള ക്രമിനില്‍ കേസുകള്‍ കൈകാര്യം ചെയ്യുന്ന കമ്മീഷനു മുന്‍പാകെ സ്വത്ത് സംബന്ധമായ നിരവധി സിവില്‍ കേസുകള്‍ വരുന്നതായും ചെയര്‍പേഴ്സണ്‍ പറഞ്ഞു. സ്ത്രീകള്‍ക്കെതിരെയുള്ള മാനസികവും ശാരീരികവുമായ അതിക്രമങ്ങള്‍ തടയുന്നതിനും ക്രിമിനല്‍ കേസുകള്‍ കൈകാര്യം ചെയ്യുന്നതിനുമുള്ള സംവിധാനമാണ് വനിതാ കമ്മീഷന്‍. പുരുഷന്മാര്‍ സ്ത്രീകളെ പ്രേരിപ്പിച്ച് കേസുകള്‍ നല്‍കുന്നുണ്ട്. ഇത്തരം കാര്യങ്ങള്‍ ശ്രദ്ധയില്‍പ്പെട്ടാല്‍ നടപടി എടുക്കുമെന്ന് ചെയര്‍പേഴ്സണ്‍ പറഞ്ഞു. സ്ത്രീകളുടെ അധ്വാനത്തിന്റെ വില മതിച്ച സുപ്രീം കോടതിയിലെ ജസ്റ്റിസ് രമണയുടെ വിധിയെ വനിതാ കമ്മീഷന്‍ സ്വാഗതം ചെയ്യുന്നതായും അവര്‍ പറഞ്ഞു. അമ്മയുടെ സ്വത്ത് മകളുടെ അനുവാദമില്ലാതെ മകന്‍ വിറ്റതായുള്ള പരാതിയില്‍ അമ്മയില്‍ നിന്നും വിവരങ്ങള്‍ ചോദിച്ചറിഞ്ഞ കമ്മീഷന്‍ പരാതിയില്‍ കഴമ്പില്ലെന്നു കണ്ടെത്തുകയും മകനുമായി ബന്ധപ്പെട്ട് അമ്മയുടെ സുരക്ഷ ഉറപ്പാക്കുകയും ചെയ്തു. വീട്ടിലേക്കുള്ള വഴി മുടക്കുന്നതുമായി ബന്ധപ്പെട്ട പരാതി, ആശ്രിത നിയമനം, സ്വത്ത് തര്‍ക്കം എന്നിവയെല്ലാം മാനുഷിക പരിഗണനയുടെ പേരില്‍ സമീപിക്കുകയാണെന്ന് കമ്മീഷന്‍ പറഞ്ഞു. ഒരു സ്ഥാപനത്തില്‍ ജോലി ചെയ്യുന്നവര്‍ അവിടെ ബുദ്ധിമുട്ടുണ്ടാവുകയാണെങ്കില്‍ ബന്ധപ്പെട്ട മേലധികാരിക്കാണ് പരാതി നല്‍കേണ്ടത്. അവിടേയും നടപടി ഇല്ലാതാവുമ്പോള്‍ മാത്രമേ കമ്മീഷനെ സമീപിക്കേണ്ടതുള്ളൂ. ഇത്തരത്തില്‍ പരാതി നല്‍കാത്ത സാഹചര്യത്തില്‍ കമ്മീഷന്‍ സ്ഥാപനമേധാവിക്ക് പരാതി അയക്കേണ്ട സാഹചര്യമുണ്ടാവുകയാണ്. അതിനാല്‍ പരാതികള്‍ ബന്ധപ്പെട്ട അധികാരികള്‍ക്ക് കൈമാറാന്‍ ശ്രമിക്കണമെന്ന് ജില്ലയിലെ ഒരു സഹകരണ സംഘം വനിതാ പ്രസിഡന്റിനെ വൈസ് പ്രസിഡന്റ് മാനസികമായി ബുദ്ധിമുട്ടിക്കുന്നതുമായി ബന്ധപ്പെട്ട് ലഭിച്ച പരാതി പരിഗണിക്കവേ ചെയര്‍പേഴ്സണ്‍ പറഞ്ഞു. കോവിഡിനെ തുടര്‍ന്ന് ഒമ്പത് മാസങ്ങള്‍ക്കു ശേഷമാണ് കമ്മീഷന്‍ അദാലത്ത് നടത്തുന്നത്. അദാലത്തില്‍ 70 പരാതികളാണ് പരിഗണിച്ചത്. ഇതില്‍ 22 പരാതികള്‍ തീര്‍പ്പാക്കി. എട്ട് പരാതികള്‍ റിപ്പോര്‍ട്ട് സമര്‍പ്പിക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറി. 40 പരാതികള്‍ അടുത്ത അദാലത്തില്‍ പരിഗണിക്കുന്നതിനായി മാറ്റിവെച്ചു. ഇതിനു പുറമെ പുതുതായി നാല് പരാതികളും ലഭിച്ചു. അദാലത്തില്‍ വനിതാ കമ്മീഷന്‍ അംഗങ്ങളായ ഇ.എം.രാധ, ഷിജി ശിവജി, വനിതാ കമ്മീഷന്‍ ഡയറക്ടര്‍ എസ്.പി വി.യു കുര്യാക്കോസ് എന്നിവര്‍ പങ്കെടുത്തു.

സ്ത്രീകളുടെ മാനസിക സംഘര്‍ഷം കുറയ്ക്കാന്‍ കൗണ്‍സിലര്‍മാരുടെ സേവനം തുടരും : വനിതാ കമ്മീഷന്‍

ലോക്ക് ഡൗണ്‍ കാലത്ത് സ്ത്രീകളുടെ മാനസിക സംഘര്‍ഷം കുറയ്ക്കാന്‍ വനിതാ കമ്മീഷന്‍ നിയോഗിച്ച കൗണ്‍സിലര്‍മാരുടെ സേവനം ലോക്ക് ഡൗണിനു ശേഷവും തുടരുമെന്ന് വനിതാ കമ്മീഷന്‍ ചെയര്‍പേഴ്സണ്‍ എം.സി ജോസഫൈന്‍ പറഞ്ഞു. ലോക്ക് ഡൗണ്‍ കാലത്ത് സ്ത്രീകളുടെ പ്രശ്നങ്ങള്‍ കേള്‍ക്കാനും പരിഹരിക്കാനുമായി വനിതാ കമ്മീഷന്‍ കൗണ്‍സലര്‍മാരെ നിയോഗിച്ചിരുന്നു. ഇവരുടെ സേവനം സ്ത്രീകള്‍ക്ക് എറെ ഗുണകരമായിട്ടുണ്ട്. ലോക്ക് ഡൗണ്‍ സമയത്ത് ഗാര്‍ഹിക പീഢനങ്ങള്‍ കുറഞ്ഞതായി ചെയര്‍പേഴ്സണ്‍ പറഞ്ഞു. രോഗഭീതി ഉണ്ടായിരുന്നെങ്കിലും വീടുകളില്‍ സമാധാന അന്തരീക്ഷം ഉണ്ടായിരുന്നു. കലക്ട്റേറ്റ് കോണ്‍ഫറന്‍സ് ഹാളില്‍ സംഘടിപ്പിച്ച വനിതാ കമ്മീഷന്‍ മെഗാ അദാലത്തിനു ശേഷം നടത്തിയ പത്രസമ്മേളനത്തില്‍ സംസാരിക്കുകയായിരുന്നു കമ്മീഷന്‍ ചെയര്‍പേഴ്സണ്‍. സ്ത്രീകള്‍ക്കെതിരെയുള്ള ക്രമിനില്‍ കേസുകള്‍ കൈകാര്യം ചെയ്യുന്ന കമ്മീഷനു മുന്‍പാകെ സ്വത്ത് സംബന്ധമായ നിരവധി സിവില്‍ കേസുകള്‍ വരുന്നതായും ചെയര്‍പേഴ്സണ്‍ പറഞ്ഞു. സ്ത്രീകള്‍ക്കെതിരെയുള്ള മാനസികവും ശാരീരികവുമായ അതിക്രമങ്ങള്‍ തടയുന്നതിനും ക്രിമിനല്‍ കേസുകള്‍ കൈകാര്യം ചെയ്യുന്നതിനുമുള്ള സംവിധാനമാണ് വനിതാ കമ്മീഷന്‍. പുരുഷന്മാര്‍ സ്ത്രീകളെ പ്രേരിപ്പിച്ച് കേസുകള്‍ നല്‍കുന്നുണ്ട്. ഇത്തരം കാര്യങ്ങള്‍ ശ്രദ്ധയില്‍പ്പെട്ടാല്‍ നടപടി എടുക്കുമെന്ന് ചെയര്‍പേഴ്സണ്‍ പറഞ്ഞു.സ്ത്രീകളുടെ അധ്വാനത്തിന്റെ വില മതിച്ച സുപ്രീം കോടതിയിലെ ജസ്റ്റിസ് രമണയുടെ വിധിയെ വനിതാ കമ്മീഷന്‍ സ്വാഗതം ചെയ്യുന്നതായും അവര്‍ പറഞ്ഞു. അമ്മയുടെ സ്വത്ത് മകളുടെ അനുവാദമില്ലാതെ മകന്‍ വിറ്റതായുള്ള പരാതിയില്‍ അമ്മയില്‍ നിന്നും വിവരങ്ങള്‍ ചോദിച്ചറിഞ്ഞ കമ്മീഷന്‍ പരാതിയില്‍ കഴമ്പില്ലെന്നു കണ്ടെത്തുകയും മകനുമായി ബന്ധപ്പെട്ട് അമ്മയുടെ സുരക്ഷ ഉറപ്പാക്കുകയും ചെയ്തു. വീട്ടിലേക്കുള്ള വഴി മുടക്കുന്നതുമായി ബന്ധപ്പെട്ട പരാതി, ആശ്രിത നിയമനം, സ്വത്ത് തര്‍ക്കം എന്നിവയെല്ലാം മാനുഷിക പരിഗണനയുടെ പേരില്‍ സമീപിക്കുകയാണെന്ന് കമ്മീഷന്‍ പറഞ്ഞു. ഒരു സ്ഥാപനത്തില്‍ ജോലി ചെയ്യുന്നവര്‍ അവിടെ ബുദ്ധിമുട്ടുണ്ടാവുകയാണെങ്കില്‍ ബന്ധപ്പെട്ട മേലധികാരിക്കാണ് പരാതി നല്‍കേണ്ടത്. അവിടേയും നടപടി ഇല്ലാതാവുമ്പോള്‍ മാത്രമേ കമ്മീഷനെ സമീപിക്കേണ്ടതുള്ളൂ. ഇത്തരത്തില്‍ പരാതി നല്‍കാത്ത സാഹചര്യത്തില്‍ കമ്മീഷന്‍ സ്ഥാപനമേധാവിക്ക് പരാതി അയക്കേണ്ട സാഹചര്യമുണ്ടാവുകയാണ്. അതിനാല്‍ പരാതികള്‍ ബന്ധപ്പെട്ട അധികാരികള്‍ക്ക് കൈമാറാന്‍ ശ്രമിക്കണമെന്ന്് ജില്ലയിലെ ഒരു സഹകരണ സംഘം വനിതാ പ്രസിഡന്റിനെ വൈസ് പ്രസിഡന്റ് മാനസികമായി ബുദ്ധിമുട്ടിക്കുന്നതുമായി ബന്ധപ്പെട്ട് ലഭിച്ച പരാതി പരിഗണിക്കവേ ചെയര്‍പേഴ്സണ്‍ പറഞ്ഞു. കോവിഡിനെ തുടര്‍ന്ന് ഒമ്പത് മാസങ്ങള്‍ക്കു ശേഷമാണ് കമ്മീഷന്‍ അദാലത്ത് നടത്തുന്നത്. അദാലത്തില്‍ 70 പരാതികളാണ് പരിഗണിച്ചത്. ഇതില്‍ 22 പരാതികള്‍ തീര്‍പ്പാക്കി. എട്ട് പരാതികള്‍ റിപ്പോര്‍ട്ട് സമര്‍പ്പിക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറി. 40 പരാതികള്‍ അടുത്ത അദാലത്തില്‍ പരിഗണിക്കുന്നതിനായി മാറ്റിവെച്ചു. ഇതിനു പുറമെ പുതുതായി നാല് പരാതികളും ലഭിച്ചു. അദാലത്തില്‍ വനിതാ കമ്മീഷന്‍ അംഗങ്ങളായ ഇ.എം.രാധ, ഷിജി ശിവജി, വനിതാ കമ്മീഷന്‍ ഡയറക്ടര്‍ എസ്.പി വി.യു കുര്യാക്കോസ് എന്നിവര്‍ പങ്കെടുത്തു.

കോവിഡ് വാക്സിനേഷന്‍ : മൂന്ന് കേന്ദ്രങ്ങളില്‍ ഡ്രൈ റണ്‍ നടന്നു.

കോവിഡ് വാക്സിന്‍ കുത്തിവെപ്പിനുള്ള തയ്യാറെടുപ്പുകളുടെ ഭാഗമായി ജില്ലയിലെ മൂന്ന് കേന്ദ്രങ്ങളില്‍ ഡ്രൈ റണ്‍ വിജയകരമായി നടന്നു. ജില്ലാ ആശുപത്രി, ഒറ്റപ്പാലം വള്ളുവനാട് ആശുപത്രി, ഡയാറ സ്ട്രീറ്റ് അര്‍ബന്‍ പി.എച്ച്.സി യുടെ ഔട്ട് റീച്ച് ഇമ്മ്യൂണൈസേഷന്‍ സെന്ററായ പാലക്കാട് കൊപ്പം എല്‍.പി സ്‌കൂള്‍ എന്നിവിടങ്ങളിലാണ് ഡ്രൈ റണ്‍ നടന്നത്. രാവിലെ 9 ന് ആരംഭിച്ച ഡ്രൈ റണ്‍ മൂന്നു കേന്ദ്രങ്ങളിലും തടസ്സങ്ങള്‍ ഒന്നുമില്ലാതെ പൂര്‍ത്തിയായി. രണ്ട് മണിക്കൂറിനകം തന്നെ എല്ലാ ആരോഗ്യപ്രവര്‍ത്തകരിലും ഡ്രൈ റണ്‍ നടത്താനായി. ഓരോ കേന്ദ്രങ്ങളിലും 25 ആരോഗ്യ പ്രവര്‍ത്തകര്‍ വീതം 75 പേരാണ് പങ്കെടുത്തത്. വാക്സിന്‍ സ്വീകരിക്കാനെത്തിയ ആരോഗ്യപ്രവര്‍ത്തകര്‍ നേരത്തെ രജിസ്റ്റര്‍ ചെയ്തിട്ടുണ്ടെന്ന് പരിശോധിക്കുന്നത് ഉള്‍പ്പെടെയുള്ള നടപടിക്രമങ്ങളിലൂടെയാണ് ഡ്രൈ റണ്‍ നടന്നത്. കോവിഡ് മാനദണ്ഡങ്ങള്‍ പാലിച്ച് നടന്ന ഡ്രൈ റണില്‍ കുത്തിവെപ്പിനായി ഒരുക്കിയിട്ടുള്ള ക്രമീകരണങ്ങള്‍ കൃത്യമായി വിലയിരുത്താനും സാധിച്ചു. കൊവീന്‍ ആപ്ലിക്കേഷന്‍ പ്രവര്‍ത്തന സജ്ജമാണെന്ന് ഉറപ്പുവരുത്തി. ജനുവരി രണ്ടിന് നെന്മാറ സാമൂഹിക ആരോഗ്യകേന്ദ്രത്തില്‍ നടത്തിയ ആദ്യ ഡ്രൈ റണ്‍ വിജയകരമായിരുന്നു. ഒരു വാക്സിനേറ്റര്‍ ഓഫീസറും നാല് വാക്സിനേഷന്‍ ഓഫീസര്‍മാരും അടങ്ങുന്ന സംഘത്തെയാണ് ഡ്രൈ റണ്ണിനായി സജ്ജമാക്കിയത്. കോവിഡ് മാനദണ്ഡങ്ങള്‍ പാലിച്ചുകൊണ്ടുള്ള വെയിറ്റിംഗ് ഏരിയ, തിരിച്ചറിയല്‍ പരിശോധന, വാക്സിനേഷന്‍, വാക്‌സിനേഷന്‍ എടുത്തവര്‍ക്ക് 30 മിനിറ്റ് നിരീക്ഷണം എന്നീ സജ്ജീകരണങ്ങളോടെയാണ് രണ്ട് ഡ്രൈ റണ്ണും നടന്നത്.

കോവിഡ് വാക്സിനേഷന്‍ ; മൂന്ന് കേന്ദ്രങ്ങളില്‍ ഡ്രൈ റണ്‍ നടന്നു

കോവിഡ് വാക്സിന്‍ കുത്തിവെപ്പിനുള്ള തയ്യാറെടുപ്പുകളുടെ ഭാഗമായി ജില്ലയിലെ മൂന്ന് കേന്ദ്രങ്ങളില്‍ ഡ്രൈ റണ്‍(മോക്ഡ്രില്‍) വിജയകരമായി നടന്നു. ജില്ലാ ആശുപത്രി, ഒറ്റപ്പാലം വള്ളുവനാട് ആശുപത്രി, ഡയാറ സ്ട്രീറ്റ് അര്‍ബന്‍ പി.എച്ച്.സി യുടെ ഔട്ട് റീച്ച് ഇമ്മ്യൂണൈസേഷന്‍ സെന്ററായ പാലക്കാട് കൊപ്പം എല്‍.പി സ്‌കൂള്‍ എന്നിവിടങ്ങളിലാണ് ഡ്രൈ റണ്‍ നടന്നത്. രാവിലെ 9 ന് ആരംഭിച്ച ഡ്രൈ റണ്‍ മൂന്നു കേന്ദ്രങ്ങളിലും തടസ്സങ്ങള്‍ ഒന്നുമില്ലാതെ പൂര്‍ത്തിയായി. രണ്ട് മണിക്കൂറിനകം തന്നെ എല്ലാ ആരോഗ്യപ്രവര്‍ത്തകരിലും ഡ്രൈ റണ്‍ നടത്താനായി. ഓരോ കേന്ദ്രങ്ങളിലും 25 ആരോഗ്യ പ്രവര്‍ത്തകര്‍ വീതം 75 പേരാണ് പങ്കെടുത്തത്. വാക്സിന്‍ സ്വീകരിക്കാനെത്തിയ ആരോഗ്യപ്രവര്‍ത്തകര്‍ നേരത്തെ രജിസ്റ്റര്‍ ചെയ്തിട്ടുണ്ടെന്ന് പരിശോധിക്കുന്നത് ഉള്‍പ്പെടെയുള്ള നടപടിക്രമങ്ങളിലൂടെയാണ് ഡ്രൈ റണ്‍ നടന്നത്. കോവിഡ് മാനദണ്ഡങ്ങള്‍ പാലിച്ച് നടന്ന ഡ്രൈ റണില്‍ കുത്തിവെപ്പിനായി ഒരുക്കിയിട്ടുള്ള ക്രമീകരണങ്ങള്‍ കൃത്യമായി വിലയിരുത്താനും സാധിച്ചു. കൊവീന്‍ ആപ്ലിക്കേഷന്‍ പ്രവര്‍ത്തന സജ്ജമാണെന്ന് ഉറപ്പുവരുത്തി. ജനുവരി രണ്ടിന് നെന്മാറ സാമൂഹിക ആരോഗ്യകേന്ദ്രത്തില്‍ നടത്തിയ ആദ്യ ഡ്രൈ റണ്‍ വിജയകരമായിരുന്നു. ഒരു വാക്സിനേറ്റര്‍ ഓഫീസറും നാല് വാക്സിനേഷന്‍ ഓഫീസര്‍മാരും അടങ്ങുന്ന സംഘത്തെയാണ് ഡ്രൈ റണ്ണിനായി സജ്ജമാക്കിയത്. കോവിഡ് മാനദണ്ഡങ്ങള്‍ പാലിച്ചുകൊണ്ടുള്ള വെയിറ്റിംഗ് ഏരിയ, തിരിച്ചറിയല്‍ പരിശോധന, വാക്സിനേഷന്‍, വാക്‌സിനേഷന്‍ എടുത്തവര്‍ക്ക് 30 മിനിറ്റ് നിരീക്ഷണം എന്നീ സജ്ജീകരണങ്ങളോടെയാണ് രണ്ട് ഡ്രൈ റണ്ണും നടന്നത്.

Programms

Videos

മണ്ണാര്‍ക്കാട് പൂരം 2020 - ചെട്ടിവേല തത്സമയം

മണ്ണാര്‍ക്കാട് പൂരം 2020 - ചെട്ടിവേല തത്സമയം

മണ്ണാര്‍ക്കാട് പൂരം തത്സമയം : പഞ്ചാരിമേളം, കുടമാറ്റം

മണ്ണാര്‍ക്കാട് പൂരം തത്സമയം : പഞ്ചാരിമേളം, കുടമാറ്റം

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .