ലേബർ കോഡ് കത്തിച്ച് MLA കെ.പ്രേംകുമാർ, തൊഴിലാളികൾ സംഘടിച്ചാൽ കേന്ദ്രത്തിന് മുട്ടുകുത്തേണ്ടി വരുമെന്ന് MLA, മണ്ണാർക്കാട് CITU പ്രതിഷേധം
തൊഴിലാളികൾ സംഘടിച്ചാൽ നിശ്ചയമായും അറുപിന്തിരിപ്പൻ നടപടിയിൽ രാജ്യത്തെ ഗവൺമെന്റിന് മുട്ടുകുത്തേണ്ടി വരുമെന്ന് സിഐടിയു ജില്ലാ വൈസ് പ്രസിഡന്റ് കെ. പ്രേംകുമാർ എംഎൽഎ, തൊഴിലാളികളുടെ അവകാശങ്ങൾ ഇല്ലാതാക്കുന്ന ലേബർ കോഡ് നടപ്പാക്കുന്നതിൽ സിഐടിയു മണ്ണാർക്കാട് ഡിവിഷൻ കമ്മിറ്റി പ്രതിഷേധം നടത്തി. ലേബർ കോഡ് നയങ്ങളുടെ മാതൃക കത്തിച്ചുകൊണ്ടാണ് പ്രതിഷേധം സംഘടിപ്പിച്ചത്. മണ്ണാർക്കാട് പോസ്റ്റ്‌ ഓഫീസിന് സമീപം നടന്ന പ്രതിഷേധം സിഐടിയു ജില്ലാ
വൈസ് പ്രസിഡന്റ് കെ. പ്രേംകുമാർ എംഎൽഎ ഉദ്ഘാടനം ചെയ്തു. 29 തൊഴിൽ നിയമങ്ങൾ 4 ലേബർ കോഡുകളാക്കി ചുരുക്കി തൊഴിലാളികളുടെ അവകാശങ്ങൾ ദുർബലപ്പെടുത്തുകയാണെന്ന് അദ്ദേഹം പറഞ്ഞു. സിഐടിയു ഡിവിഷൻ പ്രസിഡന്റ് എം. കൃഷ്ണകുമാർ അധ്യക്ഷനായി. സിഐടിയു നേതാക്കളായ പി. ദാസൻ, യു. ടി രാമകൃഷ്ണൻ, ടി. ആർ സെബാസ്റ്റ്യൻ, കെ. പി മസൂദ്, ഹക്കീം മണ്ണാർക്കാട് എന്നിവർ പങ്കെടുത്തു.
