സൊസൈറ്റി ഇടപാടുകാരായ മൂന്നുപേരിൽ നിന്ന് 40 ലക്ഷം രൂപ തട്ടിയെടുത്തുവെന്ന പരാതിയിൽ അർബൻ സഹകരണ ക്രെഡിറ്റ് സൊസൈറ്റി സെക്രട്ടറി കാരാകുറുശ്ശി പുലിശ്ശേരി പള്ളിയപ്പത്ത് വീട്ടിൽ സജിത്താണ് അറസ്റ്റിലായത്. ഫിക്സഡ് ഡെപ്പോസിറ്റായി നിക്ഷേപിച്ച തുക കാലാവധി പൂർത്തിയായിട്ടും തിരികെ നൽകിയില്ല, ഇടപാടുകാർക്ക് ലഭിക്കേണ്ട പലിശ ലഭ്യമാക്കാതെയും FD യുടെ പകർപ്പ് വ്യാജ ഒപ്പ് വച്ച് സൊസൈറ്റിയിൽ നിന്ന് ലോൺ എടുക്കുകയും ചെയ്തു എന്നതാണ് ഇയാൾക്കെതിരെയുള്ള കേസ്. സഹകരണ വകുപ്പിലെ അസിസ്റ്റന്റ് രജിസ്ട്രാറുടെ പരാതിയിൽ മറ്റൊരു കേസും സജിത്തിനെതിരെയുണ്ട്. മണ്ണാർക്കാട് പോലീസ് ഇൻസ്‌പെക്ടർ വിപിൻ കെ. വേണുഗോപാൽ, എസ്ഐ മാരായ സുഹൈൽ, അബ്‌ദുൾ സത്താർ, പ്രമോദ്, ജിദേഷ് ബാബു, ASI ബിന്ദു, SCPO അഭിലാഷ്, CPO മാരായ ധന്യ, അമ്പിളി, ഹേമന്ദ് എന്നിവരാണ് അന്വേഷണ സംഘത്തിലുള്ളത്.

നവംബർ 28, 29 വെള്ളി, ശനി ദിവസങ്ങളിലായി നടക്കുന്ന കലോത്സവം ഭാരതീയ വിദ്യാനികേതൻ സംസ്ഥാന വൈസ് പ്രസിഡന്റ് ചന്ദ്രശേഖരൻ ഉദ്ഘാടനം ചെയ്തു. വിദ്യാനികേതൻ ജില്ലാ വൈസ് പ്രസിഡന്റ് സുരേഷ് അധ്യക്ഷനായി. 800 ഓളം വിദ്യാർത്ഥികൾ വിവിധ ഇനങ്ങളിലായി മത്സരിക്കും. കലോത്സവത്തിന്റെ സമാപനം ശനിയാഴ്ച BNV ജില്ലാ പ്രസിഡന്റ് രാജലക്ഷ്മി ഉദ്ഘാടനം ചെയ്യും. ശ്രീ മൂകാംബിക വിദ്യാനികേതൻ പ്രസിഡന്റ് രാമൻ നമ്പീശൻ, എംബി മുകുന്ദൻ, ബിജു നെല്ലമ്പാനി, ചന്ദ്രലേഖ, വിനോദ് അമ്പാഴക്കോട്, രേണുക മനോജ്‌, മുരളീധരൻ പാലോട്, അധ്യാപകർ, വിദ്യാർത്ഥികൾ, രക്ഷിതാക്കൾ തുടങ്ങിയവർ പങ്കെടുത്തു.

പയ്യനേടം ഇശാഅത്തു സ്സുന്ന: ദർസ് ആൻഡ് മോറൽ അക്കാദമിയുടെ കീഴിൽ പ്രവർത്തിക്കുന്ന സാലിക്ക് സ്റ്റുഡൻസ് യൂണിയൻ ദലാലത്ത് എന്ന പ്രമേയത്തിലാണ് എനർജൈസിയോ ഫെസ്റ്റും വാർഷികാഘോഷവും നടത്തുന്നത്. നവംബർ 29, 30, ഡിസംബർ 1 തീയതികളിൽ നടക്കുന്ന പരിപാടിയുടെ ഔദ്യോഗിക ഉദ്ഘാടനം ഞായറാഴ്ച കേരള മുസ്ലിം ജമാഅത്ത് ജില്ലാ പ്രസിഡന്റ് സിറാജുദ്ദീൻ ഫൈസി വല്ലപ്പുഴ നിർവഹിക്കും. രണ്ട് ടീമുകളിൽ 4 സോണുകളായി 120 മത്സരങ്ങളിൽ 70 ഓളം വിദ്യാർത്ഥികളാണ് പങ്കെടുക്കുന്നത്. തിങ്കളാഴ്ച വൈകിട്ട് ബുർദ മജ്ലിസിന് ശേഷം സമ്മാനവിതരണത്തോടെ ഫെസ്റ്റിന് സമാപനമാകും. മുഹമ്മദ് അൻസറുദ്ദീൻ ഖുത്വുബി അൽ അഹ്സനി, മുബഷിർ സഖാഫി പയ്യനേടം, മുഹമ്മദ് അഫ്സൽ സഖാഫി തത്തേങ്ങലം, സയ്യിദ് മുളഫർ കൈപ്പമംഗലം, സ്വാദിഖ് സഅദി എന്നിവർ വാർത്താ സമ്മേളനത്തിൽ പങ്കെടുത്തു

സ്ഥാനാർഥികളുടെ വികസന കാഴ്ചപ്പാടുകൾ തുറന്നുപറയാൻ അവസരമൊരുക്കുന്ന 'വോട്ടും പറച്ചിലുമായി വോട്ടുവണ്ടി' യുമായി സേവ് മണ്ണാർക്കാട് ഇത്തവണയും പര്യടനം നടത്തുന്നു, ശനിയാഴ്ച വൈകിട്ട് 3 മണിക്ക് ഫ്ലാഗ് ഓഫ് ചെയ്യും. ഡിസംബർ 6 വരെ മണ്ണാർക്കാട് നഗരസഭയിലെ 30 വാർഡുകളിലൂടെ പര്യടനം നടത്തുന്ന വോട്ടുവണ്ടിയുടെ ഫ്ലാഗ് ഓഫ്‌ നവംബർ 29 ശനിയാഴ്ച വൈകീട്ട് 3 മണിക്ക് കോടതിപ്പടിയിൽ സാമിയ എംഡി ഇസ്ഹാഖ് നിർവഹിക്കും. 1,2,3 വാർഡുകളിൽ പര്യടനം നടത്തി 6 മണിയോടെ കുന്തിപ്പുഴയിലെത്തും. ഇവിടെ തയ്യാറാക്കുന്ന പ്രത്യേക വേദിയിൽ വാർഡിലെ മുഴുവൻ സ്ഥാനാർഥികൾക്കും ജനങ്ങളോട് കാഴ്ചപ്പാടുകൾ പങ്കുവക്കാനുള്ള അവസരം ലഭിക്കും. സാഹിത്യകാരൻ കെപിഎസ് പയ്യനെടം മോഡറേറ്ററാകും. സേവ് ചെയർമാൻ ഫിറോസ് ബാബു അധ്യക്ഷത വഹിക്കും. ഓരോ ദിവസവും വിവിധയിടങ്ങളിൽ സ്ഥാനാർഥികൾക്കായി വേദി ഒരുക്കും. ഫിറോസ് ബാബു, അസ്ലം അച്ചു, അബ്ദുൽ ഹാദി, ഷൗക്കത്ത് അലി, അബ്ദുൽ റഹ്മാൻ തുടങ്ങിയവർ വാർത്താസമ്മേളനത്തിൽ പങ്കെടുത്തു.

സിപിഐ മണ്ണാര്‍ക്കാട് മണ്ഡലം സമ്മേളനത്തിന് തുടക്കം. പിപി സുനീര്‍ എംപി ഉദ്ഘാടനം ചെയ്തു. എല്‍ഡിഎഫ് സര്‍ക്കാറിന്‍റെ മുഖ്യ പരിഗണനാ വിഷയങ്ങളില്‍ മാറ്റമുണ്ടാകണമെന്ന് അദ്ദേഹം പറഞ്ഞു. പാര്‍ട്ടി ഭരണഘടനാ വിരുദ്ധമായി പ്രവര്‍ത്തിക്കുന്നവരെ നിയന്ത്രിക്കണം. ആളുകളുടെ എണ്ണംകൊണ്ട് ശരിയാവുന്നതല്ല കമ്മ്യൂണിസ്റ്റ് പാര്‍ട്ടി. പഹല്‍ഗാം ഭീകരാക്രമണത്തിലെ ഒരു ഭീകരനെ പോലും നിയമത്തിനു മുന്നില്‍ കൊണ്ടുവരാന്‍ കഴിയാത്ത ഭരണകൂടം പരാജയമാണെന്നും സിപിഐ പി.പി.സുനീര്‍ പറഞ്ഞു. മൈലാംപാടത്ത് നടക്കുന്ന സമ്മേളനത്തില്‍ സിപിഐ ജില്ലാ അസിസ്റ്റന്‍റ് സെക്രട്ടറി മണികണ്ഠന്‍ പൊറ്റശ്ശേരി, നേതാക്കളായ സി.രാധാകൃഷ്ണന്‍, എ.കെ.അബ്ദുല്‍ അസീസ്, അബുറജ, രവി എടേരം, ചന്ദ്രശേഖരന്‍, ഗായത്രി തുടങ്ങിയവര്‍ പങ്കെടുത്തു.

മണ്ണാർക്കാട് പുരം 2024 - വലിയാറാട്ട് തത്സമ

മണ്ണാര്‍ക്കാട് പൂരം 2020 - ചെട്ടിവേല തത്സമയം

മണ്ണാര്‍ക്കാട് പൂരം തത്സമയം : ഡബിള്‍ നാദസ്വരം, ഡബിള്‍ തായമ്പക, പാഞ്ചാരിമേളം, കുടമാറ്റം .

മണ്ണാര്‍ക്കാട് പൂരം തത്സമയം : പാഞ്ചാരിമേളം കുടമാറ്റം