14 Jan 26 05:55 PM

നിര്‍ണ്ണായക ഘട്ടത്തില്‍ പുതുമുഖങ്ങളെ വെച്ചുള്ള പരീക്ഷണം വേണ്ട, മണ്ണാര്‍ക്കാട് ഷംസുദ്ദീന്‍ തുടരുന്നതില്‍ എതിര്‍പ്പില്ല, പി.കെ കുഞ്ഞാലിക്കുട്ടിയെ കണ്ട് മുസ്ലിംലീഗ് മണ്ണാര്‍ക്കാട് മണ്ഡലം കമ്മിറ്റി നേതാക്

മണ്ഡലത്തില്‍ നിന്നുള്ളയാളെ സ്ഥാനാര്‍ത്ഥിയാക്കണമെന്നാവശ്യപ്പെട്ട് ഒരുവിഭാഗം നേതാക്കള്‍ മുസ്ലിംലീഗ് സംസ്ഥാന ഭാരവാഹികളെ കണ്ടിരുന്നു. ഇതിന് പിറകെയാണ് മണ്ണാര്‍ക്കാട്ടെ ഒരുകൂട്ടം നേതാക്കള്‍ പി.കെ കുഞ്ഞാലിക്കുട്ടിയെ കണ്ടത്. മുസ്ലിംലീഗ് ജില്ലാ ഭാരവാഹികള്‍, മണ്ഡലം ഭാരവാഹികള്‍, യൂത്ത്ലീഗ് സംസ്ഥാന സെക്രട്ടറി, യൂത്ത്ലീഗ് ഭാരവാഹികള്‍ അടങ്ങുന്നവരാണ് സംഘത്തിലുണ്ടായിരുന്നത്. മണ്ഡലത്തില്‍ ഷംസുദ്ദീന്‍ തന്നെ തുടരണമെന്നതാണ് പൊതുവികാരം. ഷംസുദ്ദീന്‍ വേണ്ടെന്ന് കൂട്ടായ അഭിപ്രായമില്ല, മണ്ഡലം നിലനിര്‍ത്തുന്നതിന് ഷംസുദ്ദീനെ തന്നെ സ്ഥാനാര്‍ത്ഥിയാകുന്നതാണ് അഭികാമ്യം. മാത്രമല്ല ഭരണം തിരിച്ചുപിടിക്കുകയെന്ന ഏക ലക്ഷ്യവുമായി യുഡിഎഫ് മുന്നോട്ടുപോകുമ്പോള്‍ സിറ്റിംഗ് സീറ്റില്‍ ഒരു പരീക്ഷണം ഒഴിവാക്കുന്നതാണ് നല്ലത്. എന്നാല്‍ 3 ടേം മത്സരിച്ചവര്‍ വീണ്ടും മത്സരിക്കേണ്ടെന്ന സംസ്ഥാന കമ്മിറ്റിയുടെ തീരുമാനം നടപ്പിലാക്കുന്നതിലൂടെയോ മറ്റു സംഘടന ചുമതല വഹിക്കുന്നതിലൂടെ ഷംസുദ്ദീന്‍ മാറി നില്‍ക്കുകയാണെങ്കില്‍ പ്രാദേശികമായുള്ള സ്ഥാനാര്‍ത്ഥികളെ പരിഗണിക്കുന്നതില്‍ എതിര്‍പ്പില്ല. അല്ലാത്തപക്ഷം ഷംസുദ്ദീനെ തന്നെ മത്സരിക്കുന്നതാവും നല്ലതെന്നാണ് ഇവരുടെ വിലയിരുത്തല്‍

News

14 Jan 26 06:01 PM

കമ്മ്യൂണിസ്റ്റ് നേതാവ് KV ഇബ്രാഹീമിന്‍റെ മകന്‍ KV നൗഷാദ് സേവ് CPI വിട്ട് ആംആദ്മി പാര്‍ട്ടിയില്‍ ചേര്‍ന്നു, മണ്ണാര്‍ക്കാട് മണ്ഡലത്തില്‍ സ്ഥാനാര്‍ത്ഥി ആയേക്കും

കമ്മ്യൂണിസ്റ്റ് നേതാവ് KV ഇബ്രാഹീമിന്‍റെ മകന്‍ KV നൗഷാദ് സേവ് CPI വിട്ട് ആംആദ്മി പാര്‍ട്ടിയില്‍ ചേര്‍ന്നു, മണ്ണാര്‍ക്കാട് മണ്ഡലത്തില്‍ സ്ഥാനാര്‍ത്ഥി ആയേക്കും, മണ്ണാര്‍ക്കാട് മുന്‍സിപ്പാലിറ്റിയില്‍ CPI ഇല്ല, CPI യെ രക്ഷിക്കാന്‍ ഞാനില്ല, സേവ് CPI ക്കും രക്ഷിക്കാനാവില്ലെന്നും നൗഷാദ്, സേവ് CPI ആലത്തൂര്‍ മണ്ഡലം കമ്മിറ്റി അംഗം സാബു അകമലയും ആംആദ്മിയില്‍ ചേര്‍ന്നു

14 Jan 26 05:57 PM

കായികമേളക്ക്‌ പിന്നാലെ സംസ്ഥാന സ്കൂൾ കലോത്സവത്തിനും തീം സോങ് തയ്യാറാക്കി പൊറ്റശ്ശേരി സ്കൂളിലെ പ്രതിഭകൾ, തൃശൂരിൽ നടക്കുന്ന 64-ാമത് കലോത്സവ ഉദ്ഘാടന വേദിയിൽ പ്രമേയ ഗാനം പ്രദർശിപ്പിച്ചു.

സ്കൂളിൽ വെച്ച് തന്നെയാണ് വിദ്യാർത്ഥികൾ ഗാനം ചിട്ടപ്പെടുത്തിയതും ചിത്രീകരിച്ചതും. സംസ്ഥാന സ്കൂൾ കായികമേളയുടെ തീം സോങ്ങ് രചിച്ച പ്ലസ് ടു വിദ്യാർഥി പ്രഫുൽ ദാസ് തന്നെയാണ് കലോത്സവ ഗാനത്തിനും വരികൾ കുറിച്ചിരിക്കുന്നത്. അക്ഷയ് വി.കെ സംഗീതം നൽകിയ വരികൾ ഹൃദ്യ കൃഷ്ണ, മുഹമ്മദ് ഫായിസ്, സൂരജ് ചന്ദ്രൻ, ലക്ഷ്മി, ഗാഥ കൃഷ്ണ, ജോയൽ മൈക്കിൾ, ആബേൽ ബിനോയ്, വിഷ്ണുദത്ത് എന്നിവർ ചേർന്നാണ് ആലപിച്ചിരിക്കുന്നത്. വിദ്യാഭ്യാസ മന്ത്രി വി. ശിവൻകുട്ടി വിദ്യാർത്ഥികളെ അഭിനന്ദിക്കുകയും സമൂഹമാധ്യമത്തിൽ ഗാനം പങ്കുവക്കുകയും ചെയ്തു.

13 Jan 26 05:58 PM

ജനങ്ങളുടെ പ്രശ്നങ്ങൾ കേൾക്കാനും ഫയലുകൾ തീർപ്പാക്കുവാനും അദാലത്ത് സംഘടിപ്പിക്കും, രാഷ്ട്രീയ വ്യത്യാസങ്ങൾ തിരഞ്ഞെടുപ്പിൽ മാത്രം, ജനപ്രതിനിധി എല്ലാവരുടെയും, പഞ്ചായത്തിലെ എല്ലാവർക്കും ക്ഷേമമെത്തുന്ന രീതിയ

ജനങ്ങളുടെ പ്രശ്നങ്ങൾ കേൾക്കാനും ഫയലുകൾ തീർപ്പാക്കുവാനും അദാലത്ത് സംഘടിപ്പിക്കും, രാഷ്ട്രീയ വ്യത്യാസങ്ങൾ തിരഞ്ഞെടുപ്പിൽ മാത്രം, ജനപ്രതിനിധി എല്ലാവരുടെയും, പഞ്ചായത്തിലെ എല്ലാവർക്കും ക്ഷേമമെത്തുന്ന രീതിയിൽ പ്രവർത്തിക്കുമെന്ന് കാരാകുറിശ്ശി പഞ്ചായത്ത് പ്രസിഡന്റ് റിയാസ് നാലകത്ത്, പുതിയ ഭരണസമിതിയുടെ ആദ്യ യോഗം ചേർന്നു. പഞ്ചായത്തിലെ 19 വാർഡുകളിലും വികസനവും ക്ഷേമ പ്രവർത്തനങ്ങളും എത്തിക്കുകയെന്ന ലക്ഷ്യത്തോടെയായിരിക്കും പുതിയ ഭരണസമിതിയുടെ പ്രവർത്തനം. കെട്ടികിടക്കുന്ന ഫയലുകളിൽ തീർപ്പ് വരുത്തുന്നതിനായി അദാലത്ത് സംഘടിപ്പിക്കുക എന്നതാണ് ഭരണസമിതിയുടെ ആദ്യ നടപടി. കാട്ടുപന്നി ശല്യം, കുടിവെള്ള പ്രശ്നം തുടങ്ങി ജനങ്ങളെ ബാധിക്കുന്ന പ്രശ്നങ്ങൾക്ക് അടിയന്തര പരിഹാരം കാണുന്നതിനാണ് പ്രധാന പരിഗണന. മിനിമാസ്റ്റ് ലൈറ്റ് സ്ഥാപിക്കൽ, ക്ഷയരോഗികൾക്ക് പോഷകാഹാരം, പ്രകൃതിദത്ത നീർച്ചാൽ തുടങ്ങി 19 അജണ്ടകളാണ് ആദ്യ യോഗത്തിൽ ചർച്ച ചെയ്തത്. എല്ലാ മേഖലയെയും ഉൾപ്പെടുത്തിയുള്ള വികസന പ്രവർത്തനങ്ങൾ പഞ്ചായത്തിൽ നടപ്പിലാക്കുവാനുള്ള തയ്യാറെടുപ്പിലാണ് പ്രസിഡന്റ് റിയാസ് നാലകത്തിന്റെ നേതൃത്വത്തിലുള്ള ഭരണസമിതി.

13 Jan 26 05:56 PM

നഗരസഭാ കൗൺസിലർമാർക്ക് സ്വീകരണമൊരുക്കി കേരള വ്യാപാരി വ്യവസായി ഏകോപന സമിതി മണ്ണാർക്കാട് യൂണിറ്റ്, സമിതി ജില്ലാ പ്രസിഡന്റ് ബാബു കോട്ടയിൽ ഉദ്ഘാടനം ചെയ്തു

മണ്ണാർക്കാട് വ്യാപാരഭവനിലാണ് നഗരസഭയിലെ 30 കൗൺസിലർമാർക്കും സ്വീകരണം ഒരുക്കിയത്. യൂണിറ്റ് പ്രസിഡന്റ് രമേഷ് പൂർണിമ അധ്യക്ഷനായി. യൂണിറ്റ് ജനറൽ സെക്രട്ടറി സജി ജനത, സൈനുൽ ആബിദ്, ബാസിത്ത് മുസ്‌ലിം, ഷമീർ യൂണിയൻ തുടങ്ങിയവർ സംബന്ധിച്ചു.