നൃത്തസന്ധ്യ, ഭജനാമൃതം, ഗാനമേള, കലാവിരുന്നും മേളവുമായി തൃക്കാർത്തിക ഉത്സവത്തിന് നാടൊരുങ്ങി, മണ്ണാർക്കാട് അരിയൂർ പിഷാരിക്കൽ ഭഗവതി ക്ഷേത്രത്തിൽ ഡിസംബർ 4 വരെ നീണ്ടുനിൽക്കുന്ന ആഘോഷങ്ങൾക്ക് വെള്ളിയാഴ്ച തുടക്കമാകും. നവംബർ 28 വെള്ളിയാഴ്ച രാത്രി 7 മണിക്ക് നടക്കുന്ന ഓട്ടൻതുള്ളലോടെയാണ് തൃക്കാർത്തിക ഉത്സവാഘോഷങ്ങൾ ആരംഭിക്കുക. നൃത്തോത്സവം,

കൈക്കൊട്ടിക്കളി, സിനിമാറ്റിക്ക് ഡാൻസ്, ഭജനാമൃതം, വീരനാട്യം, ഗാനമേള എന്നിവ തുടർന്നുള്ള ദിവസങ്ങളിൽ നടക്കും. തൃക്കാർത്തിക ദിവസമായ ഡിസംബർ 4 ന് പ്രസാദഊട്ട്, ദേശവേലകളുടെ സംഗമം, പാണ്ടിമേളം എന്നിവ നടക്കും. ആഘോഷ കമ്മിറ്റി പ്രസി ഗോപീകൃഷ്ണൻ, ട്രസ്റ്റ് ചെയർമാൻ ശ്രീകുമാർ, ഷീജിത്ത് എന്നിവർ വാർത്താസമ്മേളനത്തിൽ പങ്കെടുത്തു.

•