ഇടപാടുകാരിൽ നിന്ന് പണം തട്ടിയെടുത്തു, മണ്ണാർക്കാട് അർബൻ സഹകരണ ക്രെഡിറ്റ് സൊസൈറ്റി സെക്രട്ടറി അറസ്റ്റിൽ
സൊസൈറ്റി ഇടപാടുകാരായ മൂന്നുപേരിൽ നിന്ന് 40 ലക്ഷം രൂപ തട്ടിയെടുത്തുവെന്ന പരാതിയിൽ അർബൻ സഹകരണ ക്രെഡിറ്റ് സൊസൈറ്റി സെക്രട്ടറി കാരാകുറുശ്ശി പുലിശ്ശേരി പള്ളിയപ്പത്ത് വീട്ടിൽ സജിത്താണ് അറസ്റ്റിലായത്. ഫിക്സഡ് ഡെപ്പോസിറ്റായി നിക്ഷേപിച്ച തുക കാലാവധി പൂർത്തിയായിട്ടും തിരികെ നൽകിയില്ല, ഇടപാടുകാർക്ക് ലഭിക്കേണ്ട പലിശ ലഭ്യമാക്കാതെയും FD യുടെ പകർപ്പ് വ്യാജ ഒപ്പ് വച്ച് സൊസൈറ്റിയിൽ നിന്ന്
ലോൺ എടുക്കുകയും ചെയ്തു എന്നതാണ് ഇയാൾക്കെതിരെയുള്ള കേസ്. സഹകരണ വകുപ്പിലെ അസിസ്റ്റന്റ് രജിസ്ട്രാറുടെ പരാതിയിൽ മറ്റൊരു കേസും സജിത്തിനെതിരെയുണ്ട്. മണ്ണാർക്കാട് പോലീസ് ഇൻസ്‌പെക്ടർ വിപിൻ കെ. വേണുഗോപാൽ, എസ്ഐ മാരായ സുഹൈൽ, അബ്‌ദുൾ സത്താർ, പ്രമോദ്, ജിദേഷ് ബാബു, ASI ബിന്ദു, SCPO അഭിലാഷ്, CPO മാരായ ധന്യ, അമ്പിളി, ഹേമന്ദ് എന്നിവരാണ് അന്വേഷണ സംഘത്തിലുള്ളത്.
