ഹോട്ടൽ എക്സ്പോ, ടെലിവിഷൻ താരങ്ങളുടെ മെഗാഷോ, കേരള ഹോട്ടൽ & റെസ്റ്റോറന്റ് അസോസിയേഷൻ ജില്ലാ സമ്മേളനം തൃപ്തി 2025 നവംബർ 8 ശനിയാഴ്ച മണ്ണാർക്കാട് നടക്കും
മണ്ണാർക്കാട് നൊട്ടമല എസ്.കെ കൺവെൻഷൻ സെന്ററിൽ ശനിയാഴ്ച രാവിലെ 10 മണിക്ക് നടക്കുന്ന ജില്ലാ സമ്മേളനം വി.കെ ശ്രീകണ്ഠൻ എം പി ഉദ്ഘാടനം ചെയ്യും. പ്രതിനിധി സമ്മേളനം, പൊതുയോഗം, ആദരിക്കൽ, കുടുംബസംഗമം, ഭാരവാഹികളുടെ തിരഞ്ഞെടുപ്പ്, കലാപരിപാടികൾ, ഹോട്ടൽ എക്സ്പോ എന്നിവ സംഘടിപ്പിക്കും. എംഎൽഎ എൻ. ഷംസുദ്ദീൻ, കെടിഡിസി ചെയർമാൻ പി.കെ ശശി, പത്മശ്രീ മട്ടന്നൂർ ശങ്കരൻകുട്ടി മാരാർ, കെഎച്ച്ആർഎ ഭാരവാഹികൾ, രാഷ്ട്രീയ,
സാമൂഹിക, സാംസ്കാരിക, വ്യവസായ രംഗത്ത് നിന്നുള്ളവർ പങ്കെടുക്കും. ദേശീയ അവാർഡ് ജേതാവ് ആർട്ട് ഡയറക്ടർ മോഹൻദാസ്, ഷാജി മുല്ലപ്പള്ളി എന്നിവരെ പരിപാടിയിൽ ആദരിക്കും. വൈകീട്ട് നിഷാബ് കലാഭവനും സംഘവും അവതരിപ്പിക്കുന്ന മെഗാഷോയും അരങ്ങേറുമെന്ന് ഭാരവാഹികൾ പറഞ്ഞു. കെഎച്ച്ആർഎ ജില്ലാ പ്രസിഡന്റ് സി. സന്തോഷ്, എൻ. ഫസലുറഹ്മാൻ, ഇ. എ നാസർ, ജയൻ ജ്യോതി, ഷാജഹാൻ, റസാഖ് എന്നിവർ വാർത്താസമ്മേളനത്തിൽ പങ്കെടുത്തു.
