വിജയ ശതമാനത്തിൽ കഴിഞ്ഞ വർഷത്തേക്കാൾ കുറവാണ് ഇത്തവണ. കഴിഞ്ഞ തവണ 99.6 ശതമാനം ഉണ്ടായിരുന്ന വിജയം ഈ വർഷം 98.95% മായി കുറഞ്ഞു. 4453 ആൺകുട്ടികളും 4301 പെൺകുട്ടികളും ഉൾപ്പെടെ 8754 വിദ്യാർത്ഥികളാണ് മണ്ണാർക്കാട് ഈ വർഷം SSLC പരീക്ഷ എഴുതിയത്. ഇതിൽ 8662 വിദ്യാർത്ഥികൾ ഉന്നത വിദ്യാഭ്യാസത്തിന് അർഹരായി. 188 ആൺകുട്ടികളും 366 പെൺകുട്ടികളുമടക്കം 554 വിദ്യാർത്ഥികൾ വിദ്യാഭ്യാസ ഉപജില്ലയിൽ സമ്പൂർണ A+ കരസ്ഥമാക്കി. 2025 ൽ മണ്ണാർക്കാട് 29 സ്കൂളുകൾ 100% വിജയം നേടിയപ്പോൾ ഇത്തവണ ചങ്ങലീരി ഇർഷാദ്, മണ്ണാർക്കാട് MET, കാർമൽ പാലക്കയം, പെരിമ്പടാരി യൂണിവേഴ്സൽ, GHS നെച്ചുള്ളി, GHS ഷോളയൂർ, KTM മണ്ണാർക്കാട് തുടങ്ങി 18 സ്കൂളുകളാണ് 100% വിജയം നേടിയത്. തുടർച്ചയായ 23 ആം

വർഷമാണ് ചങ്ങലീരി ഇർഷാദ് 100% വിജയം കൈവരിക്കുന്നത്. ജില്ലയിൽ ഏറ്റവും കൂടുതൽ കുട്ടികൾ പരീക്ഷയെഴുതിയ മണ്ണാർക്കാട് MES ൽ 41 പേർ സമ്പൂർണ A+ നേടി. 911 പേരിൽ 910 പേർ വിജയിച്ചു. 99.89 ആണ് വിജയ ശതമാനം. ഉപജില്ലയിൽ ഏറ്റവും കൂടുതൽ A+ നേടി നെല്ലിപ്പുഴ DHS ഉം 99.86% വിജയം നേടി. 717 പേരിൽ 716 പേർ വിജയിക്കുകയും 49 വിദ്യാർത്ഥികൾ A+ നേടുകയും ചെയ്തു. ശബരി HS പള്ളിക്കുറുപ്പ് 99.25, കല്ലടി 99.11, DBHS തച്ചമ്പാറ 97.08, കരിമ്പ 99.34, പൊറ്റശ്ശേരി 98.37, കോട്ടോപ്പാടം KAHS 99.63, GHS അലനല്ലൂർ 99.29, GOHS എടത്തനാട്ടുകര 99.34, എന്നിങ്ങനെയാണ് മറ്റു പ്രധാന സ്കൂളുകളിലെ വിജയ ശതമാനം.

•