കാഞ്ഞിരപ്പുഴ ഡാമിന്റെ ഷട്ടറുകള് ഏഴ് സെന്റിമീറ്ററായി ഉയര്ത്തും
കാഞ്ഞിരപ്പുഴ ഡാമിന്റെ വൃഷ്ടിപ്രദേശങ്ങളില് കനത്ത മഴ തുടരുന്ന സാഹചര്യത്തില് അണക്കെട്ടിലെ ജലനിരപ്പ് ക്രമീകരിക്കുന്നതിന്റെ ഭാഗമായി ഇന്ന് രാവിലെ 11.30 ന് ഡാമിന്റെ മൂന്ന് ഷട്ടറുകളും ഏഴ് സെന്റിമീറ്ററായി ഉയര്ത്തും. നിലവിൽ രണ്ട് സെന്റിമീറ്ററാണ് തുറന്നിട്ടുള്ളത്. രാവിലെ 8.30 ന് 96.66 മീറ്ററാണ് ജലനിരപ്പ്. പരമാവധി
സംഭരണശേഷി 97.50 മീറ്ററാണ്. മഴ ശക്തമായാല് ആവശ്യാനുസരണം ഷട്ടറുകള് കൂടുതല് ഉയര്ത്തും. അണക്കെട്ടിന് താഴെയുള്ള പ്രദേശങ്ങളിലെയും, പുഴയുടെ ഇരുകരകളിലെ താമസക്കാരും പൊതുജനങ്ങളും ജാഗ്രത പാലിക്കണമെന്ന് ജില്ലാ കലക്ടര് നിർദേശം നൽകിയിട്ടുണ്ട്. പുഴയില് ഇറങ്ങുന്നതും മീന് പിടിക്കുന്നതും ഒഴുക്കുള്ള ഭാഗങ്ങളിലേക്ക് പോകുന്നതും കര്ശനമായി ഒഴിവാക്കണം.
